کاوان محەمەدپوور، ڕۆژنامەنووس و وتار نووسی کورد، لە دایک بووی 1987 شاری #سەردەشت#ی ڕۆژهەڵات. کاوان محەمەدپوور، ڕەشەمەی ساڵی 2015 پاش خۆناساندن بە ئیدارەی ئیتلاعاتی مەهاباد دەستبەسەر و ڕەوانەی ئیدارەی ئیتلاعاتی ورمێ کرا کە بە دانانی بارمتە لە مانگی خاکەلێوە بە شێوەی کاتی ئازاد کرا.
ناوبراو سەرنووسەری بەشی کۆمەڵایەتیی دوحەوتەنامەی “جامعە کردستان” و سەرنووسەر بەشی ئەدەبی گۆڤاری “7ی تیر”ی سەردەشت بووە و لەگەڵ هەژمارێکی زۆر لە گۆڤار و بڵاوکراوە کوردییەکان و هەروەها ڕۆژنامە ئێرانییەکان وەکوو ڕۆژنامەی شەرق، ڕۆژنامەی ئیبتکار، ڕۆژنامەی شەهروند، ڕۆژنامەی قانون، کتاب ماه علوم اجتماعی، مەڵپەڕی (anthropology.ir) هاوکاری هەیە و هێستا لە حەوتەنامەی سیروان لە شاری سنە ئیش دەکات. زۆربەی وتارەکانی کاوان محەمەدپوور لەسەر کێشە کۆمەڵایەتییەکانی کوردستان، فەلسەفە و ڕەخنەی ئەدەبییە. ناوبراو هێستا دانیشتووی شاری سنە لە ڕۆژهەڵاتی کوردستانە.