لە چیای #بێستوون# لە ڕۆژهەڵاتی کوردستان، بەردنووسراوێکی مێژوویی هەیە کە بە گوتەی سەرچاوە مێژووییەکان، لە لایەن #شێخ عەلی خان زەنگەنە# وەزیری شا سلێمانی سەفەوی دروستکراوە. نووسراوی شێخ عەلی خانی زەنگەنە، سەرەتا بە ناو و یادی خودا دەست پێدەکات، و پاشان لە 11 دێڕ هەڵبەستراوێک باس لەوە دەکات شێخ عەلی خان وەک بەڵگەیکی مێژوویی هەموو سەروەت و سامانەکەی دەبەخشێت.
ئەم بەردنووسراوە دەکەوێتە 30 کیلۆمەتری باکوری ڕۆژهەڵاتی #کرماشان# و مێژووەکەی بۆ 1093 کۆچی دەگەڕێتەوە.
شێخ عەلی خانی زەنگەنە، لە سەرەتادا فەرمانڕەوای کرماشان بوو و لەو ماوەیەدا خۆی و منداڵەکانی توانیان چەندین کاری بیناسازی لە ناوچەکەدا بکەن، دواتر لە سەردەمی شا عەباسی دووەم دەبێتە وزیر و لە دوای کۆچی دوایی شا عەباسی دووەم، لە سەردەمی شا سلێمان پاشا، بۆ ماوەی 15 ساڵ دەبێتە سەرۆک وەزیرانی حکومەتی ئەو کاتەی ئێران.
ئامادەکردنی: #سارا سەردار#
[1]