$رۆژهەڵاتی کوردستان$
- دوای تێپەڕینی دووهەفتە بەسەر دەستپێکردنی خۆپیشاندانەکانی ئێران و ڕۆژهەڵاتی کوردستان، سەرکوت و دەستگیرکردنی خەڵک لەلایەن دەزگا ئەمنییەکانی ئێرانەوە بەردەوامە.[5]
- #فریشتە چراغی#، ڕۆژنامەنووس و ژینگەپارێزی کوردی خەڵکی سەرپێڵ #زەهاو#، لە گرتنگە ئازاد کرا.[8]
$باشووری کوردستان$
- #نێچیرڤان بارزانی#، واژۆی لەسەر یاسای تاپۆکردنی خانووە زێدەڕۆکان نەکرد و ناردییەوە بۆ پەرلەمانی کوردستان. پەرلەمانتارێکیش دەڵێت: چەند تێبینییەکی لەسەر یاساکە هەبووە و دوای دەنگدانی لە پەرلەمان، جارێکی دیکە ڕەوانەی سەرۆکایەتیی هەرێمی کوردستان دەکرێتەوە.[2]=KTML_Photo_Begin=https://www.kurdipedia.org/files/relatedfiles/2019/373143/0003.JPG=KTML_Photo_Alt=لە چالاکییەکانی ئەمڕۆ: 01-12-2019=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/373143/0003.JPG=KTML_Photo_End=
- هاوکات لەگەڵ ڕۆژی جیهانی بەرەنگاربوونەوەی گەندەڵی، لە #هەولێر# هەڵمەتی بەرەنگاربوونەوەی گەندەڵی ڕاگەیەندرا و پارێزگاری هەولێریش دەڵێ: هەوڵدەدەین لە ڕیزی پێشەوە بین بۆ ڕووبەڕووبوونەوەی گەندەڵی.[3]
- بەمەبەستی دەربڕینی هاوخەمی بۆ قوربانیانی بەغدا و پارێزگاکانی باشور، لەچەند شوێنێکی #کەرکووک# ماتەمگێڕی و گردبوونەوەی ناڕەزایەتی ڕێکخرا.[6]
- هەموارکردنی دەستوور بووەتە مژارێکی گەرمی عێراق و هەرێمی کوردستان. لەو چوارچێوەیەدا حکومەتی هەرێمی کوردستان بە هاوئاهەنگی لەگەڵ نوێنەرانی کورد لە لیژنەی هەموارکردنی دەستووری عێراق لە #سلێمانی# وۆرکشۆپێکی ڕێکخست، تێیدا ئامادەبووان سەرنج و تێبینییەکانی خۆیان لەبارەی ئەو بابەتە خستەڕوو.[2]
- شاندێکی #کۆنگرەی نەتەوەیی کوردستان#-#کەنەکە# لەگەڵ هەریەک لە #شاناز ئیبراهیم ئەحمەد#، #کۆسرەت ڕەسوڵ# و #مەلا بەختیار# کۆبۆیەوە.[7]
$رۆژئاوای کوردستان$
- تەلەڤزیۆنی فەرمی سووریا بڵاویکردەوە، نزیکەی 20 بارهەڵگری ئەمەریکی لە عێراقەوە چوونەتە سووریا (رۆژئاوای کوردستان). بە گوێرەی ئه و کەناڵە، ئه و بارهەڵگره ئەمەریکیانە لە پارێزگای #حەسەکە# جێگیر بوونه و مەبەستیانە پارێزگاری لە کێڵگە نەوتییەکان بکەن.[3][4]
- لە نزیک فولکەی گەڕەکی خوێرانی شاری حەسەکە ماتۆرسکیلێک بە کاروانێکی هیزە ئەمنیەکانەوە تەقیوەتەوە و لە ئەنجامدا دوو ئەندامی هیزە ئەمنیەکان بریندار بوون.[7]
$دەرەوەی کوردستان$=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/373143/0019.JPG=KTML_ImageCaption_Title=دەبەپە کۆنگرەی پێنجەمی بەست=KTML_ImageCaption_CaptionStyle=000000=KTML_ImageCaption_Caption=دەبەپە کۆنگرەی پێنجەمی بەست=KTML_ImageCaption_End=
- شاندی هەرێمی کوردستان بۆ ڕێککەوتنی کۆتایی لەسەر بودجە و نەوت گەیشتە بەغدا.[1]
- پەرلەمانی عێراق بە زۆرینەی دەنگ دەست لەکارکێشانەوەی #عادل عەبدولمەهدی#ی پەسەندکرد و داواشی لە #بەرهەم ساڵح# کرد کاندیدێکی نوێ بۆ ئەو پۆستە دیاری بکات.[1]
- جارێکی دیکە کونسڵخانەی ئێران لە نەجەف سوتێندرایەوە.[1]
- لە ئەنقەرەی پایتەختی تورکیا بە بەشداریی هاوسەرۆکانی #هەدەپە# و بەشێک لە سیاسەتڤانانی کورد، پێنجەمین کۆنگرەی ئاسایی پارتیی هەرێمی دیموکرات (#دەبەپە#) بەڕێوەچوو. سالیحە ئایدەنیز و کەسکین بایندر وەکو هاوسەرۆکی نوێی دەبەپە هەڵبژێردران. کۆنگرەکە لەژێر چاودێرییەکی تووندی هێزەکانی ئاسایشدا بە بەشداریی 134 ئەندام بەسترا. ئەوەش لەکاتێکدایە کە سێ هەزار و 631 ئەندامیان لە زینداندان. #سەباحەت تونجەل#، هاوسەرۆکی دەبەپە لەبەرئەوەی لە زینداندابوو، نەیتوانی بەشداریی کۆنگرەکە بکات.[2]
کوردیپێدیا، ڕۆژانە بێلایەنانە مێژووی کوردستان تۆماردەکات...
کڕۆنۆلۆژیای ڕووداوەکان