ناو: عەلی
نازناو: کوڕی ڕەش
ناوی باوک: محەمەد (#پێشەوا قازی محەمەد#)
ناوی دایک: #مینای قازی#
ساڵی لەدایکبوون: 1933
ڕۆژ و ساڵی کۆچی دوایی: #10-07-2022#
شوێنی لەدایکبوون: شاری #مەهاباد#
شوێنی کۆچی دوایی: شاری بۆن وڵاتی ئەڵمانیا
$ژیاننامە$
لە ساڵی 1933 لە شاری مەهابادی ڕۆژهەڵاتی کوردستان هاتووەتە دنیا. لە کاتی ڕووخانی کۆمار و لەسێدارەدانی پێشەوا قازی محەمەددا تەمەنی 13 ساڵ بووە. چەند ساڵێک پاش ڕووخانی کۆماری کوردستان ڕووی کردووەتە وڵاتی ئەڵمانیا و لەوێ نیشتەجێ بوو.
پاش ڕاپەڕین گەڕایەوە باشووری کوردستان و بوو بە سەرۆکی پارتی ئازادیی کوردستان.
عەلی قازی پاش ئەوەی بەهۆی نەخۆشییەوە وازی لە سەرۆکایەتیی ئەو پارتە هێنا بەهۆی تێکچوونی باری تەندرووستییەوە گەڕایەوە ئەڵمانیا و سەرلەبەیانیی ڕۆژی 10-07-2022، لە تەمەنی 89 ساڵیدا کۆچی دوایی کرد.