لە زمانی خۆیەوە:
من حەمەئاوات شێخ سدیق، خەڵکی #هەڵەبجە# و لە شێخانی عەبابەیلێم و خوێندنی سەرەتایی و ناوەندیم لە هەڵەبجە و #سلێمانی# تەواوکردووە، پاشان پەیمانگای تەندرووستیم لە ساڵی 1973 لە بەغدا تەواوکردووە، وەکوو کاری سیاسی لە ساڵی 1968ەوە ئەندامی #یەکێتی قوتابیانی کوردستان# بووم سەربە باڵی مەکتەبی سیاسی، لە ساڵی 1969 ەوە ئەندامی #پارتی دیموکراتی کوردستان# هەر سەربە باڵی مەکتەبی سیاسی بووم، دوای تێکەڵبوونەوەش چ لە ڕێکخستنەکانی پارتی و چ لە قوتابیان کارم کردووە و ئەندامی لیژنە سەرەکییەکان بووم لە مەعهەدەکان و لە بەشی تەندرووستی ڕێکخستنەکانی بەغدای یەکێتی قوتابیان کارم کردووە، کە سەربە لقی پێنجی پارتی بووم، لە ساڵی 1974 چومە دەرەوە و بەشداری شۆڕشم کرد لەگەڵ کۆمەڵێک دکتۆری کادری تەندرووستی دوای هەرەسیش هاتینەوە کوردستان و لە ساڵی 1976 پەیوەندیم بە #کۆمەڵەی ڕەنجدەرانی کوردستان#ەوە کرد و لە ساڵی 1978 چومە درەوەوە بوومە پێشمەرگە لە ناوچەی هەورامانی لەوێ ئەندامی ناوچەی هەڵەبجەی یەکێتی بووم و وەکوو ڕابەر سیاسی کۆمەڵە لە مەفرەزەکان بووم، هەر لەو ساڵە برینداربووم و دواتریش لە نەخۆشخانەی شۆڕش درێژەم بە خەباتی خۆمدا، دواتریش هاتمە خوارەوە بۆ مەڵبەندی یەک و چوینە پاڕەزان و لەوێ بارەگامان هەبوو کە بریتی بوین لە کاک #سالار عەزیز# و شیخ عەلی خولە کەشکۆڵ و #بەکری حاجی سەفەر# و مامۆستا پشکۆ و من حەمە ئاوات بەڵام بەهۆی جیاوازییە فکریەکانی ئەو کاتی کۆمەڵە ئێمە کارێکی ئەوتۆمان نەبوو هەروەها ئەندامی کۆنفرانسەکانی یەک و سێی کۆمەڵەی ڕەنجدەرانی کوردستان بووم، لە سەرەتای درووستکردنییەوە یەکێک بووم لە کادرەکانی ئاڵای شۆڕش تا ئەو کاتی وازم لە #ئاڵای شۆڕش# هێنا و چومە ڕێزی زەحمەتکێشان، دواتریش ڕەوتی نیشتمانی کوردستانمان درووستکرد و ئێستاش کادرێکی بێکاری #یەکێتیی نیشتمانیی کوردستان#م.[1]
ناوبراو پاشان بووە ئەندامی جڤاتی گشتی بزووتنەوەی گۆڕان و ڕۆژی 11-09-2017 لە بە نەخۆشی لە سلێمانی کۆچی دوایی کرد.