ئێوارەی #14-09-2020# کاتژمێر 3 لە شاری #سلێمانی# لە گەلەری ئورفە بە دەستپێشخەریی #ژنانی گەنجی تێکۆشەر# لە چوارچێوەی هەڵمەتی “ئێمە دەڵێین نا” سیمینارێک لە سەر توندووتیژیی دژ بە ژنان بەڕێوە چوو.
دوای وەستانی خولەکێک ڕێزگرتن بۆ گیانی پاکی شەهیدان، #ئەفسانە مستەفا# ئەندامی ژنانی گەنجی تێکۆشەر دەستی بە پێشکەشکردنی سیمینارەکە کرد و ڕایگەیاند: بە پشت بەستن بەو تاوانانەی لە بەرامبەر ژناندا لەم مانگەی ڕابردودا ڕویانداوە دەتوانین بلێین کۆمەڵگایەک کە ژن تێیدا بن دەست بێت، گۆمەڵگا خۆشی بن دەستە، توندووتیژی سەر ژنان لە کۆمەڵگای کوردیدا شێوازی جۆراوجۆری هەیە هەموو جۆرەکانی توندووتیژی نەبوونی گۆمەڵگایەکی هۆشیار و بێ پەروەردەیە، ئەم ناهۆشیارییەی لە ناو کۆمەڵگادا هەیە لەو سەردەمەوە سەریهەڵنەداوە، بەڵکو بە هەزاران ساڵە لە ناو کۆمەڵگادا بڵاو بۆتەوە، پێشتر کۆمەڵگا کۆمەلگایەکی دیموکرات و بێ جیاوازی بوو، بەڵام لە کاتی پێشکەوتنی سیستەمی سەرمایەداری چینایەتی و جیاوازی ژن و پیاو هاتە ئاراوە و کۆمەڵگا لە ڕاستینەی خۆی دەرچوو.
ئەفسانە لە درێژەی قسەکانیدا ڕایگەیاند: بە داخەوە ئێستا سیستەمی سەرمایەداری وای لە ژنان کردووە کە وەک ڕیکلام لە سەر جل و بەرگ و سەدان شتی جیاواز وێنەی ژنان بکار بهێندرێت بۆ ڕیکلام، واتا ژن وەک کالا مامەڵەی پێوە دەکرێت، یەکێکی دیکە لە شێوازی تێکدانی کۆمەڵگا درامای تورکییە، کە تەواو لە شێوازی کلتور و داب و نەرێتی کوردان دوورە و بەو شێوازە دەوڵەتانی داگیرکەر بە تایبەت تورکیا هەوڵی تێکدانی شیرازەی کۆمەڵگای کوردی دەدات بە جۆرێک لە ڕێگەی پەروەردەکردنی خێزانەوە هەوڵدەدرێت درێژە بە کلتوری توندوتیژی بەرامبەر بە ژن بدرێت و تا ئەو ئاستەی پرۆسەی هاوسەر گیریش بە ئامانجی لە قالبدانی ژن ئەنجام دەدرێت.
ئەفسانە لە کۆتایی قسەکانیدا وتی: پێویستە هەمو کەس بە تایبەت ڕێکخراوەکانی بواری ژنان خۆیان زیاتر ماندوو بکەن بۆ ئەوەی زیاتر سیمینار ڕێک بخەن، تاکەکان هۆشیار بکەنەوە، پەروەردەی خێزانی ساز بکەن دڵنیام بە هەموومان دەتوانین کۆمەڵگایەکی تەندروست بونیاد بنێین.
دوای ئەوەی ئامادەبووان سەرنج و بیروڕای خۆیان لە سەر چەند پرسێک و ئاڵۆگۆڕ کرد، سیمینارەکە کۆتایی پێهات.[1]

$رۆژئاوای کوردستان$
- سەدان دانیشتووی تەبقا، بەشداری مەراسیمی بەخاکسپاردنی شەهیدانی ئەنجومەنی سەربازی تەبقایان کرد کە لەژێر چەتری #قەسەدە#دایە، ئەو دوو شەهید پێکهاتبوون لە هەریەک لە ئەحمەد جەدوو (ئەحمەد شیهاب) و شەمسی جەدوو (ئەبو ئالا) کە لە بەرخۆدانی شەرە لەدژی سوپای تروکی داگیرکەر و چەتەکانی شەهید ببوون. مەراسیمەکە لە گۆرستانی شەهیدانی تەبقا بە خولەکێک ڕێزگرتنی سەربازی لەلایەن #شەڕڤان#انی ئەنجومەنی سەربازی تەبقا و جەماوەری ئامادەوە بەڕێوەچوو.[2]
$دەرەوەی کوردستان$
- لە هێرشێکی ئەمریکییەکاندا، هەردوو #قاسم سلێمانی# و ئەلموهەندیس و چەند ئەندامێکی تری #حەشدی شەعبی# و #سوپای پاسداران# لە ڕێگەی فڕۆکەخانەی بەغداد کوژران.[1]=KTML_Photo_Begin=https://www.kurdipedia.org/files/relatedfiles/2019/376024/0018.JPG=KTML_Photo_Alt=03-01-2020=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/376024/0018.JPG=KTML_Photo_End=
- د. #بەرهەم ساڵح# سەرۆک کۆمار عێراق، لە بەیاننامەیەکدا ئیدانەی کوشتنی ئەبومەهدی موهەندیس و قاسم سلێمانی دەکات، ڕاشیگەیاندووە: موهەندیس و سولەیمانی ڕۆڵی گرنگ و یەکلاکەرەوەیان بینیوە لە ڕووبەڕوو بوونەوەی #داعش#دا.[1]
- لە جێگەی قاسم سولەیمانی فەرماندەی هێزی قودسی سەر بە سوپای پاسدارانی شۆڕشی ئێران، ئیسماعیل قائانی دانرا.[1]
- دۆناڵد تڕەمپ سەرۆکی ئەمریکا لەبارەی پلانی تورکیا بۆ ناردنی سەربازەکانی بۆ لیبیا، هۆشیاری دایە #ئەردۆغان# و وتی، ئەو هەنگاوە دەستوەردانە لە کاروباری ناوخۆی لیبیادا.[1]
- ئەنجوومەنی باڵای ئاسایشی نیشتمانی ئێران ڕایگەیاند: لە کات و ساتی گونجاو تۆڵەی قاسم سلێمانی و ئەوانی تر دەکەینەوە.[1]

$باکووری کوردستان$
- لە زیندانی ئێلح پشێووی دروستبوو و زیندانییەکان بەشێکی زیندانەکەیان سووتاند، پاشان تورکەکان هەندێک لە زیندانییەکانیان گواستەوە.[2]
$رۆژهەڵاتی کوردستان$
- باقی شەفیعی ڕۆناکبیر، شاعیر و نووسەری هەورامی خەڵکی شاری #پاوە# لە تەمەنی 74 ساڵیدا کۆچی دوایی کرد.[2]
$باشووری کوردستان$
- لە هەرێمی کوردستان قەدەغەی هاتوچۆی تەواوەتیی پیادە و ئوتومبیل بۆ ماوەی 48 کاژێر ڕاگەیەندرا و لە 12ی نیوەڕۆی ئەمڕۆوە دەستپێدەکات، تەنانەت نانەواخانەکان و فرۆشیاری خواردەمەنیش دەگرێتەوە.[1]
- تووشبوویەکی تری کۆڕۆنا لە سلێمانی گیانی لەدەستدا، نەخۆشەکە پیاوێکی تەمەن 61 ساڵە بوو و نەخۆشیی درێژخایەنی هەبووە.[1]=KTML_Photo_Begin=https://www.kurdipedia.org/files/relatedfiles/2020/380805/0013.JPG=KTML_Photo_Alt=لە مانشێتەکانی ئەمڕۆ: 04-04-2020=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2020/380805/0013.JPG=KTML_Photo_End=
- لەلایەن دوو فڕۆکەی جەنگی تورکیاوە گوندەکانی نزیک چیای #برادۆست# بۆردومان کرا.[4]
- گوتەبێژی #وەزارەتی تەندروستی# ڕایدەگەیێنێت 80% ئەوانەی لە کوردستان تووشی کۆرۆنا بوون هیچ نیشانەیەکی نەخۆشییەکەیان تێدا دەرنەکەوتووە، دوای پشکنین و بەدواداچوون دەرکەوتووە کە تووشبوون ئەوەش یەکێکە لەو هۆکارانەی قەدەخەی هاتووچۆی تەواوەتی بۆ 48 کاژێر ڕاگەیێندراوە.[3]
- ئەگەر زۆرە گەڕەکی کارێزانی هەولێر کەرەنتین بکرێت. پشکنینی بەشێکی زۆر لە دانیشتووانی گەڕەکەکە وەرگیراوە و وەزیری تەندروستی دەڵێت، ئەگەر دەرکەوت ڕێژەیەکیان کۆرۆنایان گرتووە، دەبێت هەموو گەڕەکەکە کەرەنتین بکرێت. تەنیا لە پرسەیەکی گەڕەکی کارێزاندا تووشبوویەکی ڤایرۆسی کۆرۆنا 14 کەسی تووش کردووە.[3]
- لیژنە هاوبەشەکانی قایمقامیەتی #سلێمانی# ڕایدەگەیێنێت، لە سنووری پارێزگای سلێمانی و لەماوەی قەدەغەکردنی هاتووچۆ سەرپێچی خاوەنکارەکان زیاتر لە هەشت بەرامبەر زیادیان کردووە و زۆرترین سەرپێچیش کافتریا و خواردنگەکانەوە کردوویانە.[3]
- بەڕێوەبەرایەتی گشتی فڕۆکەخانەی #هەولێر# لە ڕاگەیەندراوێکدا ڕەتیدەکاتەوە، هیچ کارمەندێکی ئاسایش لە فڕۆکەخانەکە تووشی کۆرۆنا بووبێت. داواش دەکات ڕێکاری یاسایی دژی ئەو کەسانە بگیرێتەبەر کە ئەو دەنگۆیانە بڵاودەکەنەوە.[5]
- کۆمپانیای ئاوا مێدیکا بۆ بەرهەمهێنانی دەرمان لە هەرێمی کوردستان بڕی 39 هەزار پاکەت لە دەرمانیان پێشکەشی وەزارەتی تەندروستیی هەرێمی کوردستان کرد کە بەشێک لە دەرمانەکان بۆ چارەسەری تووشبووانی کۆرۆنا بەکاردەهێدرێت.[3]
- لە تۆڕە کۆمە ڵایە تییە کان گرتە یەکی ڤیدیۆیی بڵاوبووەتە وە، کە ئە ندامی خێزانی کەسێک لە تیمی نوسینگە ی #قوباد تاڵەبانی#، جێگری سەرۆکی حکومەتی هەرێمی کوردستان، بە ناو بازگە کانی شاری سلێمانی تێدە پە ڕێت لە کاتی بوونی قە دە غە ی هاتووچۆدا، لەبەرامبەر ئەو هەڵسوکەوتەداشدا، قوباد تاڵەبانی داوادەکات بەتوندترین شێوە ئەو کەسە سزابدرێت.[6]
- لە شاخی شرامی سەربە شارەدێی #بیارە# بەهۆی دەستکاریکردنی تەقەمەنیەوە مینلابەرێک بەناوی سەروەت عەبدوڵڵا مەحمود گیانی لەدەستدا کە کارمەندی ڕێکخراوی MAG و دانیشتووی گەڕەکی سەرای #هەڵەبجە#یە. لەهەمان تەقینەوەدا کەسێکی تریش کە ناوی (ه. س. ع.) تەمەن 23 ساڵان و دانیشتووی هەڵەبجەیە، بریندار بووە و لەبەر سەختی برینەکەی ڕەوانەی نەخۆشخانەی فریاکەوتنی سلێمانی کراوە.[4][5]
- ژمارەیەکی زۆری باڵندەی کێوی لە باڵەکایەتی مردار بوونەتەوە و بەهۆیەوە دڵەڕاوکێ لەناو هاوڵاتیانی باڵەکایەتی دروستبووە، پزیشکانی ڤێتەنەریش دەڵێن، کە هیچ نیشانەیەکی ڤایرۆس لەلەشی باڵندەکاندا نییە، ئەگەر هەیە بەهۆی هەورە بروسکەوە مرداربووبنەوە.[6]
$رۆژئاوای کوردستان$
- لە شاری #قامیشلۆ#، هێزەکانی ڕژێمی سوریا دەستڕێژی گوللەیان لە مەفرەزەیەکی هێزەکانی ئاسایشی ڕۆژئاواکرد، بەپێی زانیارییەکان ئەندامێکی ئاسایشی ڕۆژئاوا شەهید بووە و یەکێکی دیکەش برینداربووە.[6]
- ڕژێمی تورکی داگیرکەر شەوی ڕابردوو بە تۆپخانەکانی هێرشی کردە سەر گوندی ئوم کێف و ئەمجارە لە بۆردومانەکەیدا وێستگەی کارەبا و تۆڕی کارەبای ناوچەکەی کردە ئامانج و بەو هۆیەوە کارەبای تلتەمر بڕا.[2]
- لە چوارچێوەی بەردەوامی هێرشە داگیرکەریەکانی دەوڵەتی داگیرکەری تورکدا، لە ئێستادا هێرش دەکرێتە سەر هەر یەک لە گوندی کوپرلک و ئەڤدۆکۆی سەر بە ناوچەی #گرێ سپی#. لەم هێرشەدا 3 هاووڵاتی کوژران.[2]
$دەرەوەی کوردستان$
- وەزارەتی تەندروستیی عێراق تووشبوونی 58 کەسی دیکەی بە ڤایرۆسی کۆرۆنا ڕاگەیاند، بەمەش ژمارەی تووشبووان گەیشتە 878 کەس.[3]

$باشووری کوردستان$
- روودانی لافاوێکی گەورە لە شاری #سلێمانی#. لافاوەکە زیانی گیانی و ماددی زۆری لێکەوتەوە.[1]

$باشووری کوردستان$
- ڕوودانی منع التجول - قەدەغەکردنی هاتووچۆ و پشکنینەکەی شاری #سلێمانی# لەلایەن بەعسییەکانەوە، کە بووە هۆی شەهیدکردنی چەندین هاووڵاتیی کورد لەو شارەدا. ژمارەی شەهیدەکان گەیشتە 267 یان 276 کەس. د.ق لەم ڕۆژە و بەرەودوا دادگای دۆڵەکەی بۆ خەڵکی بێ تاوان دانا و گوللە بارانی دەکردن، زۆربەی ئەو کارە نامرۆڤایەتییانە لەلایەن #زەعیم سدیق# و #ڕەئیس جاسم#ەوە ئەنجام دەدرا.[1][2][3][4][5]

هەڵمەتی پاککردنەوەی شاری سلێمانی بۆ لابردنی شوێنی بەخێوکردنی ئاژەڵ و خانەکان بەردەوامە و بەڕێوەبەری خزمەتگوزاری شارەوانی ڕایدەگەیەنێت، هەڵمەتەکە بەردەوام دەبێت و سەرپێچیکاران ڕووبەڕووی یاسا دەکەینەوە.
رزگار ئەحمەد، بەڕێوەبەری خزمەتگوزاری سەرۆکایەتی شارەوانی بەدواڕۆژی ڕاگەیاند، بەشی زیادەڕەوی و خزمەتگوزاری شارەوانی و هێزە ئەمنییەکان، هەڵمەتی لابردنی شوێنی بەخێوکردنی ئاژەڵ و خانەکان لە سنووری ماستەر پلانی شاری سلێمانی بەردەوامە و هەموو ئەو خانانەی کە دەکەونە شوێنی نیشتەجێبوونی هاووڵاتیانەوە لادەبرێن.
ڕاشیگەیاند، سەرجەم خانە نایاساییەکان تێکدەدرێن و تائێستا نزیکەی 100 گەوڕی جۆراوجۆر لەناوبراون و دەست بەسەر ئەو ئاژەڵانەدا دەگیرێت کە لە شەقام و ناوەندی ڕێگاکاندا دەلەوەڕێنرێن، هەڵمەتەکە بەردەوام دەبێت تا کۆتایی بەو دیاردەیە دەهێنرێت.
ئاماژەی بەوەشدا، سنورەکانی گەڕەکی شێخ عەباس و وڵوبە و قلیاسان و قولەڕەیسی-مان پاککردۆتەوە و لەئێستاشدا لە گەڕەکەکانی ڕاپەڕین و تاسڵوجە دەگەڕێین و هەرکەسێک دوبارەی بکاتەوە دەست بەسەر ئاژەڵەکەیدا دەگیرێت و بۆ هەر سەرئاژەڵێکیش 200 هەزار دینار غەرامە دەکرێت.
10-05-2017

پۆلیسێک هاوکاری منداڵێک دەکات فۆتۆ_ هۆگر کەمال
خەندان – هۆگر کەمال
وتەبێژی پۆلیسی سلێمانی ئاشکرای دەکات، کە 11 گەنجیان بەهۆی شەڕکردنەوە لە فێستیڤاڵی شەڕە ئاوەکەی ئەمڕۆی سلێمانی دەستیگرکردووە، کە شەش گەنجیان بریندارن.
نەقیب سەرکەوت ئەحمەد، وتەبێژی بەڕێوەبەرایەتی پۆلیسی پارێزگای سلێمانی، بە خەندانی ڕاگەیاند: ئەمڕۆ لەکاتی فێستیڤاڵی شەڕە ئاوەکەی شاری سلێمانی، چەند گەنجێک لەنێوان خۆیان لێیان بووە بەشەڕ، کە بەدار و بەچەندین شتی تر لەیەکتریان داوە.
وتیشی: "لە شەڕەکەدا هێزەکانمان توانیویانە 11 گەنج دەستگیر بکەن، کە شەش گەنجیان بە سوکی بریندار بوون و ئێستا لای ئێمە دەستبەسەرن".
وتەبێژی پۆلیسی سلێمانی، ئەوەشی خستەڕوو، کە "لەکاتی فێستیڤاڵەکەدا هاوڵاتیان بە پرتەقاڵ و چەندین شتی تر هێرشیان کردۆتە سەر ئۆتۆمبێلێکی ئێمە، ئەوە جگەلەوەی گێچەڵیشیان بە خێزانێک کرد، کە هێزەکانی پۆلیس توانیان ئەو خێزانە ڕزگار بکەن و بیان بەنە دەرەوەی پارکەکە".
بۆیەکەمجار ئەمڕۆ لە هەرێمی کوردستان لە شاری سلێمانی، فێستیڤاڵی شادی "شەڕە ئاو" ئەنجامدرا، کە بە هەزاران هاوڵاتی بەشدارییان تێدا کرد.
- 11-08-2013

دواڕۆژ، هۆگر کەمال
بەڕێوەبەری گشتی چاودێریی و گەشەپێدانی کۆمەڵایەتی #سلێمانی# ئاشکرای دەکات کە لە شەش مانگی یەکەمی ئەمساڵدا 119 ژن و 15 منداڵیان داڵدە داوە.
عومەر گوڵپی، بەڕێوەبەری گشتی چاودێریی و گەشەپێدانی کۆمەڵایەتی لە پارێزگای سلێمانی، بە دواڕۆژی وت ژمارەی ئه و خاوەن پێداویستییە تایبەتانەی لە فەرمانگەکانمان تۆمارن تا (2013) بریتییە لە 30 هەزار و 296 کەس.
وتیشی لەپرۆسەی دووبارە پشکنینەوەدا کە بەفەرمانی ژمارە (1515)ی سەرۆکایەتی ئەنجومەنی وەزیران لە مانگی 4ی 2016 دەستیپێکردووە، ژمارەی ئەوانەی فۆرمیان پڕکردووەتەوە بریتییە لە (24،729)، له و ژمارەیەش (20،230) سەردانی لیژنە پزیشکییەکانیان کردووە، ژمارەی ئەوانەی بە پێی ڕێنماییەکان شایستە دەبن بریتییە لە (16،717)، ئەوانەشی ڕێنماییەکە نایانگرێتەوە بریتین لە (2،619).
عومەر گوڵپی، ئاماژەی بەوەشدا ژمارەی ئه و کەسانەی مۆڵەتیان وەرگرتووە یان نوێکردووەتەوە بۆ بەخێوکردنی خاوەن پێداویستی تایبەت بریتییە لە (125) مۆڵەت، مۆڵەتەکانیش زۆرترینیان لە وەزارەتی پەروەردەن کە (61) مۆڵەتن، کەمترینیان لە وەزارەتی گواستنەوە و گەیاندنە کە تەنها (2) مۆڵەتە، مۆڵەتەکانیش بەپێی ڕەگەز (63) یان کوڕ و (62)یان مێ، بەپێی کەسە نزیکەکانیش بریتییە لە (106) دایک و (14) باوک و (3) برا و (2) خوشک.
باسی لەوەشکرد ژمارەی ئه و مووچانەی دابەشکراون لە شەش مانگی یەکەمی ساڵی 2017 بریتییە لە مووچەی مانگەکانی (6و 7و 8و 9و 10ی 2016) کە بڕەکەی بریتییە لە نۆ ملیار و 627 ملیۆن و 410 هەزار دینار.
ئه و بەڕێوەبەرە، هێمای بۆ ئەوەشکرد ژمارەی منداڵانی سودمەند لەخانەی ساوایان (خوار 4 ساڵ) بریتییە لە (30) منداڵ، ژمارەی منداڵانی خانە لەئێستادا بریتییە لە 21 منداڵ (17 کوڕ و 4 کچ)، ژمارەی ئه و منداڵانەی گەڕاونەتەوە ناو خانەوادەکانیان 9 منداڵن (5 کوڕ و 4 کچ)، ژمارەی سوودمەندانی خانەی کوڕان (21) منداڵ-ن، لەوانە (9)یان گەڕاونەتەوە ناو خانەوادەکانیان و لە ئێستادا لە خانەی کوڕان (13) منداڵ ژیانی ئاسایی بەڕێدەکەن.
‌ئەوەشی خستەڕوو ژمارەی سودمەندانی خانەی کچان بریتییە لە (15) منداڵ لەوانەش (5) منداڵیان گەڕاونەتەوە ناو خێزانەکانیان و لە ئێستادا (10) منداڵ لە خانەکەدان، هەروەها ژمارەی منداڵانی دەرەوەی خانە 62 منداڵن (38 کوڕ و 24 کچ).
رونیشیکردەوە لەپڕۆژەی خێزانی جێگرەوە (3 منداڵی کوڕ) نێردراونەتە ناو خێزانی جێگرەوەکان، پێنج خێزانیش پەسەندکراون و ئامادەن بۆ وەرگرتنی منداڵ.
گوڵپی، وتیشی لەماوەی شەش مانگی یەکەمی ئەمساڵ (30،790) پەیوەندی لە شه و و ڕۆژدا کراوە بە هێڵی 116ی منداڵانەوە، کۆی کێشەکانی لە پەیوەندییەکانەوە وەڵامدراونەتەوە بریتین لە (908) کێشە، لەوانە (467 منداڵی خانەخوێ) و (441 کێشەی منداڵی ئاوارە)، جۆری کێشەکانیش بەمجۆرە دابەشبوون (385 خێزانی، 407 تەندروستی، 28 سۆزداری، 22 یاسایی، 30 پەروەردەیی، 7 کۆمەڵگا، 14 هی تر)، له و کێشانەش (327)یان ئاراستەی دامەزراوەی تر کراون بۆ چارەسەر.
باسی ئەوەشی کرد پڕۆژەی پاڵپشتی دەروونی منداڵ و خێزان بەهاوکاری ڕێکخراوی (یونسێف) ژمارەی ئه و منداڵانەی سودمەندبوون لە سەنتەرەکانی پڕۆژەکە لە شارەکانی سلێمانی و چەمچەماڵ و دەربەندیخان بریتییە لە (6،541) منداڵ، لەوانە (3،203 کوڕ، 4،048 کچ)، ژمارەی ئه و منداڵانەی سودمەند بوون لە پڕۆژەی پاڵپشتی دەروونی بەشێوەی تیمی گەڕۆک بریتییە لە (3107 منداڵ) کە بەمجۆرە دابەشبوون بەسەر هەردوو ڕەگەز (2،565 کچ و 544 کوڕ).
ئەوەشی خستەڕوو ژمارەی ئه و منداڵانەی وەک حاڵەت (کێشە) وەرگیراون لە پڕۆژەکەدا بریتییە لە (386) منداڵ، ژمارەی ئه و خێزنانەی لە پڕۆژەکەدا هاوکاری دارایی کراون بە بڕی 50 دۆلار بۆ هەر خێزانێک بریتییە لە (75) خێزان.
عومەر گوڵپی، ئاشکراشیکرد ژمارەی ئه و ئافرەتانەی کە سودمەندبوون لە خزمەتگوزارییە جۆراوجۆرەکانی ماڵی داڵدەدانی ئافرەتانی هەڕەشەلێکراو و پارێزراون بریتییە لە (119 ئافرەت و 15 منداڵ) لە شەش مانگدا، ژمارەی ئه و ئافرەتانەی کە لە ئێستادا لە ماڵەکە داڵدەدراون بریتییە لە (29 ئافرەت و 14 منداڵیان).
دەشڵێت بڕی ئه و پارەیەی کە لە ماوەی شەش مانگی ڕابردوودا لە سنوری بەڕێوەبرایەتی گشتیمان گەڕاوەتەوە بۆ خەزێنەی دەوڵەت بە شێوەی داهات بریتییە لە بڕی (66،526،000).
عومەر گوڵپی، ڕونیشیکردەوە داهاتی سندوقی چاودێریی کۆمەڵایەتی سلێمانی کە لەلایەن خێرخوازانەوە بەخشراوەتە سندوقەکە بریتییە لە (18،772،000) دینار‌ و بەدۆلاریش بریتییە لە بڕی (USD 5000).
25-07-2017

بە ئامادەبوونی #شێخ جەعفەر# سەرۆکی #یانەی وەرزشی پێشمەرگەی سلێمانی# و زافڕ عەبدولئەمیر سەرۆکی یەکێتی شەتڕەنجی ئێراق و #کاروان شێخ زیرەک# بەڕێوەبەری گشتی وەرزشی سلێمانی و ئارەزوو مەحمود ئەندام پەڕڵەمانی پێشووی ئێراق و نزار ژاژڵێ بەڕێوەبەری گشتی لاوانی سلێمانی و ژمارەیەک لە وەرزشوانانی دێرین و دەزگاکانی ڕاگەیاندن و میدیاکارانی وەرزشی لە هۆتێل داوا لە شاری #سلێمانی# بەسەرپەرشتی یەکێتی شەتڕەنجی ئێراق و بە هاوکاری یەکێتی شەتڕەنجی سلێمانی، پاڵەوانییەتی پێکهاتەی هەڵبژاردەی شەتڕەنجی کوڕان بەڕێوەچوو.
تێکڕای بەرپرسانی وەرزشی و ئامادەبووان باسی گرنگی هەرێمی کوردستان کرا بۆ بەڕێوەچوونی پاڵەوانییەتییەکان کە ڕێگا و دەرگایەکی گرنگە بۆ تێکڕای بۆنەکان و بەتایبەتیی وەرزشی نێوخۆی و ئێراق و نێودەوڵەتی و پشتیووانی خۆشیان دەبڕی بۆ ئەم جۆرە بۆنانە.
بۆ ماوەی هەشت ڕۆژ لەرێکەوتی 25-10 تا #01-11-2023# دوانزە یاریزان کە (5) یاریزان کوردن ململانێ توند دەکەن بۆ بەدەست هێنانی (5) کورسی هەڵبژاردەی شەتڕەنجی ئێراق بۆ بۆنە نێودەوڵەتییەکان بۆ ساڵانی (2023-2024).
لە کۆتایی #ئەسعەد ئیسماعیل# ئەندامی شەتڕەنجی ئێراق و بەڕێوەبەری ئەم پاڵەوانییەتییە وتی: هەموو هێز و هزر و هاندانمان تەرخان کردووە تا لە کۆتایی لەکۆی 12 یاریزان دەست نیشانی 5 یاریزان بکرێت بۆ ڕیزی هەڵبژاردەی شەتڕەنجی ئێراق بۆ بۆنەنێودەوڵەتییەکان، بەرپرسانی وەرزشی شارەکە هەموو هاوکاری و ئاسانکارییان بۆ کردین بۆ ئەوەی بتوانین بەباشترین شێوە ماوەی ئەم هەشت ڕۆژە بتوانین ئەنجام و ئامانجی کۆتایی ئەم کۆبوونەوە گرنگە لە شاری سلێمانی بۆ هەمووان دڵخۆشکار بێت.
[1]

$باکووری کوردستان$
- ناوەندی گشتی پارتی دیموکراتی گەلان #هەدەپە# لەبارەی ڤایرۆسی کۆرۆنا Kovid-19 ڕێنمایی بۆ ڕێکخستنەکانی لە شار و ناوچەکان نارد و داوای کرد ڕێوشوێنی توند بگرنەبەر. ڕێکخستنی هەدەپە کە ئاهەنگەکانی نەورۆزی هەڵوەشاندەوە، ڕێنمایی دەرکرد و داوای لە هەموو ڕێکخستنەکانی کرد چالاکی و خەباتی جەماوەری هەڵبوەشێننەوە.[7]
- ئومید دەدە یاریدەدەری هاوسەرۆکی گشتی هەدەپە ئاماژەی بە مەترسی ڤایرۆسی کۆرۆنا لە ناو زیندانەکاندا کرد و بانگی لە وەزارەتی داد کرد، بە هۆی کۆرۆناوە پێویستە زیندانیانی نەخۆش و بەتەمەنەکان ئازاد بکرێن و سزای سزادراوە نەخۆش و بەتەمەنەکان پیویستە دوابخرێت.[7]
- هاوکات لەگەڵ بڕیاری هەڵوەشاندنەوەی ئاهەنگی پیرۆزبایی جەژنی نەورۆز بە هۆی مەترسی بڵاوبوونەوەی ڤایرۆسی کۆرۆناوە، لە چەند شار و ناوچەیەک ئاگری نەورۆز کرایەوە. دوای ناوچەی ستەوری شاری مێردین، لە گوندی سماقیی ناوچەی دێرکا چیای مازیش بە بۆنەی پیرۆزبایی جەژنی نەورۆز، ئاگر کرایەوە.[7]
$رۆژهەڵاتی کوردستان$
- شۆرای ڕێکخراوە مەدەنییەکانی #مەریوان# داوای لە تەواوی هاووڵاتییانی کوردستانی و بە تایبەتی شاری مەریوان و هەروەها بەرپرسان دەکات، کە چاوەڕوانیی ئەوەیان هەیە لە ڕاستای سڵامەتی و تەندروستیی گشتیی کۆمەڵگه، بڕیار لە سەر داخستنی دەسبەجێی سنووری باشماخ بدەن و لەمە زیاتر گیانی هاووڵاتییان نەکەنە قوربانیی کەمتەرخەمیی نابەرپرسانە.[6]
- مەحموود ڕەزا مواردی، سەرۆکی زانکۆی زانستی پزیشکیی #کرماشان# لە پەیامێکدا، دۆخی ئەو شارەی ئاوارته ڕاگەیاند و بە ڕوودانی قەیرانێک لەو شارە هۆشداری دا.[6]
$باشووری کوردستان$
- لە هەولێر و #سلێمانی# 48 کاژێر قەدەخەی هاتووچۆ ڕاگەیێندراوە، بەڕێوەبەرایەتیی هاتووچۆی پارێزگای سلێمانیش چەند بڕیارێکی بۆ ئەوانە دەرکردووە کە سەرپێچیی ڕێنماییەکان دەکەن و دەڵێت، هەر کەسێک جوڵە بە ئۆتۆمبێلەکەی بکات و سەرپێچیی ڕێنماییەکان بکات، سزادەدرێت.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/378308/0014.JPG=KTML_ImageCaption_Title=ئەمڕۆی هەولێر=KTML_ImageCaption_CaptionStyle=000000=KTML_ImageCaption_Caption=ئەمڕۆی هەولێر=KTML_ImageCaption_End=
- بەڕێوەبەرایەتیی گشتیی تەندروستیی #هەولێر# ڕەتیدەکاتەوە ئەو پزیشکەی تووشی کۆرۆنا بووە گیانی لەدەستدابێت و دەڵێت، لەژێر چاودێری پزیشکیدایە.[2]
- وەزارەتی تەندروستی تووشبوونی کەسێکی بە کۆرۆنا لە شارۆچکەی #تەوێڵە#ی سەر بە پارێزگای #هەڵەبجە# ڕاگەیاند، بەرێوەبەری گشتیی تەندروستیی هەڵەبجەش دەڵێت، چوار خێزان کە مامەڵەیان لەگەڵ تووشبووەکە کردووە، قەردێلەی سوور لە ماڵەکانیان درا وە.[2]
- ئەحمەد #کەلار#ی، نوێنەری بازرگانانی کەلار لە کۆنگرەیەکی ڕۆژنامەوانیدا ڕایگەیاند ''هەوڵدەدەین نەخۆشخانەکەیەکی 70 قەرەوێڵەی لە ماوەی 15 ڕۆژدا تەواو بکەین و هاوشێوەی نەخۆشخانەی ئاسا دەبێت لە ڕووی پێداویستی و بیناوە''.[3]
- لیژنەی باڵای ئۆپراسیۆنەکانی پارێزگای سلێمانی بۆ بەرەنگاربوونەوەی کۆرۆنا، پاش کۆبوونەوەی قائیمقامی (#دوکان#، #قەرەداغ#، #شارباژێڕ#، #دەربەندیخان#) و بەڕێوەبەری گشتی گەشتوگوزاری پارێزگای سلێمانی لەسەر ڕاسپاردەی پارێزگاری سلێمانی، کۆنووسی لیژنەی تایبەت بە گەشتکردن و ڕێکخستنەوەی کەرتە گەشتیاریەکانی پارێزگای سلێمانی پەسەند کردو بڕیاریدابە: 1- قەدەغەکردنی تەواوی گەشت و سەیرانی هاووڵاتیان بۆ شوێنە گەشتیارییەکان. 2- داخستنی تەواوی (گوندی گەشتیاری و کابینە و کەپر و یاریگا گەشتیارییەکان) لەشوێنە گەشتیارییەکاندا لەسەرجەم شارو شارۆچکەکان لە سنوری پارێزگای سلێمانی.[3]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/378308/0016.JPG=KTML_ImageCaption_Title=ئەمڕۆی سلێمانی=KTML_ImageCaption_CaptionStyle=000000=KTML_ImageCaption_Caption=ئەمڕۆی سلێمانی=KTML_ImageCaption_End=
- بێگەرد تاڵەبانی، وەزیری کشتوکاڵ و سەرچاوەکانی ئاو ڕایگەیاند، دوای هەماهەنگیکردن لەگەڵ ئەنجوومەنی وەزیران، لیژنەی باڵای ڕووبەڕووبونەوەی ڤایرۆسی کۆڕۆنا و وەزیری ناوخۆ، لەپێناو بەرز نەبوونەوەی نرخی سەوزە و میوە بڕیاردرا کە عەلوەکان دانەخرێن.[4]
- بەهۆی بڵاوبونەوەی ڤایرۆسی کۆرناوە، مەراسیمی ساڵیادی کیمیابارانی هەڵەبجە، بەشێوەیەکی فەرمی ناکرێتەوە، تەنها بەهەڵواسینی پۆستەر و دروشم لەکۆڵانەکاندا یادەکە بەڕێوەدەچێت.[5]
- #تەڤگەری ئازادیی کۆمەڵگای کوردستان# هەموو چالاکییەکانی نەورۆزی ڕاگرت و داوا دەکات، هەموو چالاکییەکانی تایبەت بە نەورۆز ڕادەگرێت و داوا لە هاوڵاتیان و دۆستانیان دەکات، کە پەبەندی ڕێنماییە تەندروستییەکان بن.[5]
- بەڕێوەبەری گشتیی تەندروستیی #دهۆک# ڕایدەگەیێنێت، تاوەکو ئێستا هیچ کەسێک تووشی کۆرۆنا نەبووە و ئەوەی لە تۆڕە کۆمەڵایەتییەکان باسی لێوەدەکرێت دوورە لە ڕاستییەوە.[2]
- لە ڕاگەیەندراوێکدا ڕاگەیاندنی کۆمەڵگای دەروازەی نێودەوڵەتی پەروێزخان جەختی کردەوە، بەمەبەستی ڕێکخستنەوەی کاروبارەکانی تایبەت بە جموجۆڵی بازرگانی لەم کاتەداو توندوتۆڵکردنەوەی ڕێکارەکانی خۆپارێزی لەڤایرۆسی کۆرۆنا، مەرزی نێودەوڵەتی پەروێزخان دادەخرێت.[4]
- لە ڕاگەیەندراوێکدا بەڕێوەبەرایەتی هاتوچۆی سلێمانی ڕایگەیاند، ئەمڕۆ زیاتر لە 250 موڵەت لەو شوفێرانە وەرگیراوەتەوە، کە سەرپێچیی ڕێنماییەکانی تەندروستیان کردوە و لە ماڵەکانیان هاتوونەتە دەرەوە.[4]
- بەیانی ئەمڕۆ مامۆستا مەلا #عەبدوللەتیف بامۆکی# لە شاری هەڵەبجە زانای ئاینی و نوسەر و وەرگێڕ و پەرلەمانتاری پێشوی پەرلەمانی کوردستان و کەسایەتی شاری هەڵەبجە کۆچیی دوایی کرد.[3]
$رۆژئاوای کوردستان$
- ئەمڕۆ بە سەدان هاوڵاتی گەڕکی شێخ مەقسود و ئەشرەفییە تەرمی نوردین ڕەحموک ناسراو بە #ئامەد# گابار شەهیدی #یەپەگە#یان بەخاک سپارد کە لە 11ی تشرینی یەکەمی 2019 شەهید ببوو.[7]
- بەڕێوەبەری خاڵی سنووریی سێماڵکا ڕایگەیاند، لە چوارچێوەی گرتنەبەری ڕێوشوێنی پێویست بۆ ڕێگریکردن لە بڵاوبوونەوەی ڤایرۆسی کۆڕۆنا، جگە لە باری نائاسایی، هاتوچۆ لەو خاڵە سنوورییە بە هەموو شێوەیەک ڕاگیراوە.[7]
$دەرەوەی کوردستان$
- جارێکی تر بە کاتیۆشا هێرش کرایە سەر سەربازگەی تاجی لە نزیک بەغدا کە هێزەکانی ئەمریکای تێدایە. [1]
- وەزارەتی تەندروستی ئێران ئاماری نوێی قوربانیانی کۆرۆنای لەو وڵاتە بڵاوکردەوە و بەپێی ئامارەکە لە ماوەی 24 کاژێری ڕابردوو 1365 تووشبووی نوێ تۆمارکراون و 97 کەسیش گیانیان لەدەستداوە.[1]
- لە بەیاننامەیەکدا وەزارەتی تەندروستی عێراق تۆمارکردنی 5 حاڵەتی دیکەی تووشبوون بە ڤایرۆسی کۆرۆنا ڕاگەیاند، بەمەش ژمارەی تووشبووان بە پارێزگاکانی هەرێمی کوردستانیشەوە گەیشتە 110 حاڵەت.[4]