کۆمەڵگەی کوردی بە گشتی و شاری #سلێمانی# بە تایبەت لە چارەکی یەکەمی سەدەی بیستەمدا تەنیا لە ڕێگەی خەیاڵی شاعیران و ئەو یۆتۆپیایەی کە لە هزریاندا درووستیان دەکرد، بە شێوەیەک لە شێوەکان لەگەڵ دونیای مۆدێرندا جۆرێک لە بەریەک کەوتنی هەبو، ئەگینا شێخ نووری (محەمەد نووری) کوڕی شێخ ساڵح کوڕی شێخ غەنی کوڕی سەید عەبدولقادری کوڕی سەید حەسەنی کوڕی سەید عەلی کوڕی سەید محەمەدی کوڕی سەید مستەفای کوڕی سەید ئیسحاقی کوڕی بابا ڕەسوڵی گەورە، لە ساداتی بەرزنجەیە. ساڵی 1896 لە گەڕەکی دەرگەزێن لە سلێمانی لە دایک بووە. لە منداڵی لە حوجرە لای خواجە ئەفەندی و مەلا سەعیدی زەڵزڵەیی و شێخ بابا عەلی شێخ عەبدوڵڵا، نەحو و سەرف و بەلاغەی خوێندووە و تا قۆناغی جامیی بڕیوە، پاشان قوتابخانەی سەرەتایی تەواوکردووە، چووەتە ڕوشدیەی سەربازی سلێمانی و دواتر وازی لێ هێناوە.
کە باوکی لە ساڵی 1914 دەستی لە بازرگانی هەڵگرتووە شێخ نووری لەگەڵ شێخ برایمی برایدا ئەو کارەیان کردووە و لە ڕۆژهەڵاتی کوردستانەوە کاڵایان گواستوەتەوە بۆ بەغدا و بەسرە.=KTML_Photo_Begin=https://www.kurdipedia.org/files/relatedfiles/2010/4438/0002.JPG=KTML_Photo_Alt=شێخ نووری شێخ ساڵح=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2010/4438/0002.JPG=KTML_Photo_End=
زمانەکانی تورکی و عەرەبی و فارسی بە وتن و نووسین زانیون. خاوەنی کەسایەتییەکی پاک و ڕەوشت بەرز و ڕاستگۆ و کوردپەروەر بووە و بەهرەی گەورەی لە هەڵبەست و وتاری سیاسی و وەرگێڕان و نووسینی ئۆپەرێت و لێکۆڵینەوەی ئەدەبیدا هەبووە.
لە یەکەم خولی ڕاستەوخۆی ئینگلیزەکاندا لە سلێمانی، سێ مانگ زیندانی کراوە. #مێجەر سۆن# زۆر پێی سەرسام بووە و تەنانەت وتویەتی (خۆزگە قەفەسێک دەبوم و نووریش مەلێک، ئیتر لەگەڵیدا بژیامایە، یان بمتوانیایە لەناو مێشکییەوە بمزانیایە ئەوە چۆن درووست بووە. .
دواتر ساڵی 1923 جارێکی دیکە بەهۆی ئەوەی سەرنووسەری ڕۆژی کوردستان بووە، لەلایەن ئینگلیزەکانەوە دەستگیر کراوە. ساڵی 1926 جارێکی دیکە بەهۆی نووسینەکانی و بەرگری کردنییەوە لە کوردایەتی، زیندانی کراوە.
لە 15ی 1ی 1921 وەک کاتبی دووەمی شارەوانی سلێمانی دامەزراوە، 01-09-1921 بووە.ە کاتبی یەکەم، تا 5ی 9ی 1922 لەو پۆستەدا بووە.
$لە ماوەی ژیانیدا ئەم وەزیفانەی بینیون:$
- 14-09-1926 تاوەکوو 15-01-1927 مەئموری تۆمارکردنی خاوەن پیشە و کارگەکان.
- 02-04-1927 تاوەکوو 31-07-1935 کاتبی دووەمی مەسرەف لە موحاسەبەی سلێمانی.
- 01-08-1935 تاوەکوو 19-12-1937 کاتبی مەسرەف لە خەزێنەی سلێمانی.
- 205-12-1937 تاوەکوو 21-03-1939 کاتبی مەسرەف لە خەزێنەی #هەولێر#.
- 25-03-1939 تاوەکوو 08-09-1939 کاتبی مەسرەف لە خەزێنەی سلێمانی.
- 4ی 9/1943 تاوەکوو 09-09-1943 موحاسیبی تەموینی سلێمانی.
- 16-03-1945 تاوەکوو 07-08-1945 بەڕێوەبەری شارەدێی ناودەشت.
- 28-08-1945تاوەکوو 12-06-1948 بەڕێوەبەری شارەدێی باڵەک.
- 23-06-1948 تاوەکوو 03-04-1949 بەڕێوەبەری شارەدێی #تەقتەق#.
- 12-04-1949 تاوەکوو 26-05-1951بەڕێوەبەری شارەدێی سەنگاو.
- 25-04-1951 تاوەکوو 02-12-1952 بەڕێوەبەری شارەدێی بارزان.
- 08-12-1952 تاوەکوو 02-01-1955 بەڕێوەبەری شارەدێی وارماوە.
دواتر عومەر عەلی موتەسەڕیفی سلێمانی سێ ساڵ لە وەزیفە دوری خسووەتەوە.
ڕۆژی #20-12-1958# بە نەخۆشی کۆچی دوایی کردووە.