فەتاح کاویان، کەسایەتییەک دێرین یێ ڕوژهەڵاتێ کوردستانە و چەندین پۆستێن حزبی و حکوومی ل ماوێ ژیانا خودە ژخوە ڕە هەبووینە، ژوانا شارەدارێ #مەهاباد#ێ ل حکوومەتا پاشایەتییا ئیرانێ و ئەندامێ ئەنجوومەنا میللی یا زمان ل ئیرانێ. هەروەسا چەندین ساڵان ئەندامێ ڕێبەری یێ حزبا دێموکراتا کوردستانێ بوویە. چەندین بەرهەمێن نڤیسین و وەرگێڕانێ هەنە کو یا ژ هەمیا گرنگتر فەرهەندگا وشەی حەوتەوانەیە. ناڤهاتی ڕوژا #18-01-2017# ل باژێڕێ #کۆیە# وەغەرا داویێ کر.
فەتاح کاویان، ساڵا 1315 ل باژێڕێ مەهاباد ژ دایک بوویە. خوەندنا سەرەتایی ل باژێڕێ مەهاباد تمام کرییە. چەند ساڵەکان ژی ل باژێڕێ #سنە# خوەندییە. ل پۆلا چارەم یا ناڤەندی دگەل دایکا خوە ل سنە ڤەگەڕیان مەهابادێ و پشتی تمام کرنا پولا پێنجەم یا زانستی، وەکە ماموستایێ وەرزش ل باژێڕێ مەهابادێ دامەزرا. ساڵا 1336 (1957) بوویە ئەندامێ شانەیا نهێنیی یا تەشکیلاتا حزبا دێموکراتا کوردستان. ساڵا 1338 پشتی هەڵمەتا سەرتانسەری یا ساڤاک بو سەر ڕێکخستنێن نهێنی، کو ل #کرماشان#ێ هەیا #سەڵماس#ێ گرتەڤە و بوویە ئەگەرێ گرتنا نێزی 250 کەسان، فەتاح کاویانیش هات گرتن و کەتە گرتیخانێ. پشتڕە هنارتن ژبو تەهرانێ و ب زیندانس هەتاهەتایی حوکمێ وانا دەرچوو. پشتڕە شایێ ئیرانێ لژێر کاریگەرییا بارودۆخێ سیاسی یێ ئیرانێ فەرمانا لێخۆشبوونێ دەرکر.=KTML_Photo_Begin=https://www.kurdipedia.org/files/relatedfiles/2013/74914/0002.JPG=KTML_Photo_Alt=فەتاح کاویان=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2013/74914/0002.JPG=KTML_Photo_End=
فەتاح کاویان پشتی ئازاد بوون ل زیندانێ، خوەندنا خوە تمام کر و چوویە زانینگەها تەهرانێ و بەکالۆریۆسا زمانێ ئینگلیزی وەرگرت و بو ماوێ 12 ساڵان ل دامەزراوەیا نەتەوەیی یا زمان وەکە ماموستا و ڕێڤەبەرێ وانە گوتنێ کار دکر. پشترە ڤەگەڕیا مەهابادێ. پشترە، پۆستێ شارەدارییا باژێڕێ مەهابادی وەرگرت. ساڵا 1357 (1978) ڕۆڵەکێ بەرچاڤ هەبوو ل وەڕێکخستنا خوەپێشاندانان دژ دژبەری ڕژێما پاشایەتی ل باژێڕێ مەهاباد.
فەتاح کاویان ل زڤستانا 1357ێ جارەک دن خوە ب حزبا دموکراتا کوردستانێ گرێ دا و هەتا 29ی بەفرانبارا 1395 وەکە ئەندامێ حزبا دموکراتا کوردستانێ ما.
شارەزایی د زمانێن کوردی، فارسی و ئنگلێزی هەبوو هەر وەسا د بوراێ ئەدەبی دە شیانەک باش ل نڤیسین و وەرگێڕانێ دە هەبوو. ساڵا 1358 بەرپرسایەتییا کۆمیسیۆنا لێکۆڵینا حزبا دموکڕاتێ پێ هات سپارتن. ل کۆنگرەیا پێنجەم یا حزبێ وەکە ئەندامێ کۆمیتەیا ناڤەندی و ل کۆمیتەیا ناڤەندییش دا ب ئەندامێ دەفتەرا سیاسی هات هەلبژاردن و ل کۆمیسیۆنا چاپەمەنی یا ڤێ حزبێ، ئەرک وەرگرتن. فەتاح کاویان ل کۆنگرەیا پێنجێ یا حزبا دموکرات هەتا کۆنگرەیا 13، بەردەوام ئێک ل بەربژێرێن کۆنگرەیێن حزبێ ژبو ئەندامەتییا کۆمیتەیا ناڤەندی بوو و ب تایبەتی ل کۆمیسیۆنێن ڕاگەهاندن و سکرتاریەتا، ئەرک و بەرپرسایەتیی ڕێڤە برینە.
فەتاح کاویان هەمی جاران دەمێ خوە ژبو کارکرنێ ل بوارێن وەرزش، فەرهەنگ نڤیسی، وەرگێڕانا پەرتووک، نڤیسینا بابەتێن ئەدەبی و کارێ فەرهەنگی ئێن دن، دهێڵا.
ئامادە کرنا فەرهەنگا “حەوتەوانە”و وەرگێڕانا پەرتووکا “خولیا و مەرگی قاسملووی کورد” ل ئنگلێزی بو سەر زمانێن کوردی و هندەک پەرتووک و بەرهەمی دن کو هەیا نها چاپ و بەڵاڤ نەبووینە، بەشەک ل بەرهەمێن فەتاح کاویان بوون.[1]