بایکۆت کەردەی پروسەی سیاسی
نویستەی: #ئیبراهیم میکە عەلی#
پەی پەکۋستەی دەسەڵاتی ڕامیار و سانایۆ ڕەوایەتیی دەستووریی چەنەش، عالتەرین ڕا بایکۆتکەرڎەی (پرۆسەی ڕامیارین)، چوون بییەی لیست و قەوارە ڕامیارەکا دلې ئا گاڵتەجاڕیەینە کە هەرېمنە نامېش نریان (پرۆسەی ڕامیاری و حوکمڕانیی) هیچ نییا بېجگە ڕازنایۆ دەسەڵاتی ساختەو چەتەگەری و پڵۆسنەرو دوە حیزبە زلەکا یام ڕاستەرا واچوو: دوە بنەیانە فاسدەکا.
پەوچی چێگۆ ماچوو: بەشداری ئینتیخابات و هورچنیەی و خەڵک کاندیدکەرڎەی و میللەت سەرقاڵکەرڎەی بەتاییبەت چی کاتە ناهەموارنە بەشېوا جە گاڵتەکەرڎەی بەهەست و شعوورو خەڵکی بەشمەینەتیی و بەشداریکەرڎەیچ دلېشەنە (بە پەیلواو من) بەشېوا جە تاوانەکا ئا دوە بنەیانە ستەمکارا، چوون دماجار هورچنیەی و ئاکامەکېش هەرچیبا مەڵامەتێوا پەی مەنەیۊ و درېژەدای بەتاوان و زڵمەکا ئاڎیشا.
ئینە سەرەڕاو ئانەی کە هورچنیەی وەڵین ئانا خجڵا ساڵێوەش ملۊملەرە و هیچ حیسابێوی نەکریا پەی ئاکامەکاش.[1]