ناڤ: سیمین
ناسناڤ: چایچی
سالا ژ دایکبوونێ: 1952
جهێ ژ دایکبوونێ: #سنە#
$ژیاننامە$
سیمین چایچی ل سالا 1952ێ ل باژێڕێ سنەیێ ژدایک بوویە. خواندنا خۆ یا زانینگەهێ ل بەشێ زارۆکێن کەڕ دا ب دوماهی ئینایە. ل سالا 1969ێ، وەک ئێکەمین کارێ شانۆیی یێ خۆ، رۆلەک د شانۆگەرییەکێ دا گێڕایە کو هونەرمەند سدیق تەعریف دەرهێنەرێ وێ بوو. د قۆناغا ناڤنجی دا، د یاریێن گۆڕەپان و مەیدانێ دا چالاک بوویە و چەندین سالان پاڵەوانا یاریێن باژێڕێ سنەیێ بوویە. هەروەسا ژ تەمەنێ 15 سالیێ ڤە حەز ژ هۆنینا هەلبەستان کریە و هێشتا ژی بەردەوامە.
ل سالێن 2000 تا 2003ێ، سەرۆکا جڤاتا ئەدەبی یێ باژێرێ سنەیێ بوویە، و هەروەسا ئێک ژ دامەزرێنەرێن رێکخراوا ناحکومیا (NGO) یا بەرەڤانیکرن ژ تووشبوویێنب ماددەیێن بێهۆشکەر بوو ل سالێن 1999 تا 2002ێ.
ل سالا 2003ێ، ئەنداما لژنا بەرپرسا مالا ئومێدێ بوویە، کو تایبەتە ب هەلگرتنا بەرپرسیاریا زارۆکێن بێ کەس و کار. هەروەسا ئەنداما لژنا دامەزراندنا بنکێ نڤیسەرێن ڕۆژهەلاتێ کوردستانێ بوویە. نوکە ژی سەرۆکا کۆمیتەیا ئافرەتێن کوردە ل جڤاتا جیهانی یێ (انجمن جهانی قلم) و هەروەسا ئەنداما جڤاتا جیهانی یێ زارۆک ل پێشییێ نەیە. و تا نوکە ل گەلەک کۆڕ و کۆمبوون و سێمینار و کۆنفرانسێن باژێرێن جودا جودا یێن ئیرانێ و هەرێما کوردستانێ و هەروەسا دەرڤەی وەلاتی دا بۆ پێشکێشکرنا گۆتاران هاتیە ڤەخواندن. چایچی خودانا دوو کچانە ب ناڤێن ستارە (32 سالی) و بەرهارە (30 سالی)، و هەروەسا سێ کورانە ب ناڤێن ڕووزبە (22 سالی)، ئارش (20 سالی) و ئاریەن (19 سالی).
سیمین چایچی کۆمەکا بەرهەمێن نڤیساندی و تۆمارکری هەنە، ژوان:
• چاپکرنا دوو شانۆنامەیان بۆ زارۆکان ب ناڤێن باژێڕێ ئاشتیێ و خاڵخاڵۆکە و شایێ مشکان. شانۆگەرییا خاڵخاڵۆکە و شایێ مشکان ل خولا دووێ یا فیستیڤاڵا شانۆیا کوردی ل باژێرێ سەقزێ ل سالا 2001ێ زۆربەیا خەلاتان ب دەستڤە ئینان و ژ لایێ ئەندامێن لژنا دادوەران ڤە وەک ئێکەمین شانۆگەری یا ڤی فیستیڤاڵی بۆ پشکداریێ د فیستیڤاڵا نێڤدەولەتی یا شانۆیا فەجر دا هاتە دەستنیشانکرن. ئەڤ شانۆگەرییە هەروەسا ل سالا 2002ێ ژ لایێ گرووپێ شانۆیا کوردستانێ ل باژێرێ لەندەن ل وەلاتێ بەریتانیا هاتە پێشکێشکرن.
• پشکداری د شانۆگەرییا نوچە (واتە خولام) یا نڤیسینا سیمین چایچی د فیستیڤاڵا نێڤدەولەتی یا شانۆیا بووکەلان ل باژێرێ تاران ل سالا 2002ێ.
• پەرتووکا چیرۆکا کوردی تیتل و بیبل.
• CD هەلبەستێن سیمین چایچی ب دەنگێ وێ.
• CD جووجکە زەردە چیرۆکا کوردی ب شێوەیێ مووزیک بۆ زارۆکان.
• کاسێتا تیتل و بیبل چیرۆکا فۆلکلۆری یا کوردی ب شێوەیێ مووزیک بۆ زارۆکان.
• کۆمەلەکا هۆزان و سترانێن کوردی ب ناڤێ قۆمار.
• نڤیسینا 4 شانۆنامەیێن زارۆکان بۆ پێشکێشکرنێ ب شێوەیێ شانۆ.
• 4 زنجیرێن تەلەڤزیۆنی یێن شانۆگەرییا بووکەلان.
ئەڤ بەرهەمێن وێ ژی ئامادەی چاپکرنێ نە:
• بەسەرهاتیێن (خرتۆڵ و سەرچۆڵ).
• وردیلانە.
• کۆمەلا دووێ یا سترانان.
• دووهمین کۆمەلا هۆزانێن سترانان.
• بەسەرهاتیێن (خرتۆڵ و خانمۆڵ). [1][2]