کورد دلې چەرخەکا تاریخینە
هۊرگېڵنای و ئاماڎەکەرڎەی: #ئەسعەد ڕەشید#
بەشې: ویس و چوارەمە
ساڵەو (1200-- 1110) وەڵې زایینی
ساڵەو (1200) وەڵې زایینی چن قۊمیێ و دیاردێ ڕوەشا دێنە، ئانې کە سەرو تەختە گڵینەکاوە نویسیێنې و پەی ئېمە مەنېنێ:
ئیللامییەکې سەرکوتېنې ملو لۆلۆییەکارە.
ئەچی ساڵېوە تاکو ساڵەو (1100) وەڵې زایینی پەلامارە و هېرشو ئاشوورییەکا پەی سەرو سۆبارییەکا بەردەوام بېیەن.
هەر ئەچی سەدەنە کاشییەکې تەۋەنەو سنووریشان دلې بابلینە وەشەکەردېنە.

ساڵەو (1165-- 1151) وەڵې زایینی (شیلخاک ئینشوشیناکی ئیلامی) پەی چڼیین جارا هېرشش کەرڎەن سەرو زاگرۆسی و ئاشوورییەکا.
ساڵەو (1162) وەڵې زایینی دەسەڵاتو کاشی جە پانیشتو میزۆپۆتامیاینە کۊتاش ئاما.
ساڵەو (1150) وەڵې زایینی بنەیانەو موشکی خاوەن دەسەڵاتې بېنې ناوچەو سەرنیشتو کورڎەسانیشان وستەن چېرو دەسەڵاتو وېشان.
ساڵەو (1110-- 1100) وەڵې زایینی سەردەمو دەسەڵاتو (تیگلات پلایزەر) ی بېیەن، کە هېرششان کەرڎەن سەرو سۆبارییەکا، دماجار سۆباریې و موشکیې و کارتی دلې بەرێوەنە یۊشان گېرت و وەرشان بە هېرششەکا گېرت.[1]