چن جۊرۍ ئایین هەن؟
نویستەی: ئەسعەد ڕەشید
ئایین، ئا پېخامەنە کە مەیاوۊ بە مروڤەکا، یاساو ژیوای، ڕاپەنەدریێ و ڕاچەنەگیریاکېش دیاری کەردېنۍ پەیشان. مەتاومی واچمۍ چوار جۊری ئایین دلۍ ئینسانەکانە هەن:
1. ئایینی ئاسمانی: پۑخامێ ئاسمانین نازڵ بېیەن پەی دلۍ دڵ و دەروونو هۊرچنیاکا، یاسێکی ژیوای و ڕاپەنەدرێ و ڕاچەنەگیریێکېش دیاری کەردېنۍ، سنوورش پەیشان کېشتەن.
2. ئایینێ تېکەڵ جە ئاسمانی و زەمینی:
پېخامێ ئاسمانین، بەڵام دەسو مروڤیش خزانەنە، دەسکاریشان کەردەنو بە قازانج و هەوەسو وېشان فاڕانشان.، پېسه ماچان ئینجیل (16٪) پېخامی ئاسمانینو ئەوی تەرش دەسکەردو قەشه و ڕاهیبەکان.
3. ڕا و ڕەچەی ئایینی:
مەزهەبێن جەئایینە ئاسمانیەکەی، بەڵام ڕابەرۍ و کەسە شارەزێکۍ چڼین باو و نەریتۍ کۊمەڵیی، یان یاسا و ڕېسێ ئایینەکا تەری، یان پەیلوێ وېشان تېکەڵشان کەردېنۍ.
4. ئایینی تەمام مرۊیی:
جۊرێ تەرەن جە ئایینی، جە لاو کەسێ (پیاخاس) ی جە زەمەنێنە کە بۊشایێ ڕوحی دلۍ کۊمەڵینە بېیەن، درووسش کەردەن، دمایی چن کەسێ باوەڕشا پەنە ئاردەنو درېژەشا پەنە دان، پەی نموونەی (بودا) کە دمایی پېسە (خوڎا) ی تەماشەشا کەردەن.[1]