ناو: مازیار
نازناو: نەزەربەیگی
ناوی باوک: حەیدەر
ناوی دایک: ناهید عەزیمی
رۆژی لەدایکبوون: 08-10-198708-10-1987
شوێنی لەدایکبوون: ئاوادی شیانشیان له شابادشاباد پارێزگەی کرماشانکرماشان

ژیاننامە
مازیار نەزەربەیگی ڕۆمان نۊس و ڕووژنامە وان کورد له ساڵ 1987 زائینی، لە ئاوای شیان له پارێزگەی کرماشانپارێزگەی کرماشان وە دی هاتێیه. ساڵەیل سەرەتایی ژیانێ وە مدوو دەرس خوەنین له شار شاباد بۊە و ئێکەش ئەڕای دریژه دان له زانستگه له ساڵ 2005 زائینی چێیەسە شار کرماشان. هەر له ئێ ساڵەیله وە مدوو یەکەو گرتنەیل ئەدەبی ئەڕای زوان کوردی، وەل ئەدەبیات کوردی پەیوەندی گرێد و وەرە وەرە دەسەپێ بوود ئەڕای نۊسان وە زوان کوردی.
له ساڵ 2015 یەکمین کتاوێ ک له سەر شێعر کوردیە وە ناوناس لێکۆڵێن و خسارناسی شێعر کوردی ئیلامئیلام و کرماشان نۊسێد. ئێ کتاوە یەکمین سەرچەوەی شیکاری و ناسین شێعر کوردی کەڵهڕی وە ژمار تیەێد.
له ساڵ 2018 زائینی ڕۆمان کوردی پاڵتاوێگ ئەڕای کەیخودا بڵاو کەێد ک ئەڕای وەردەنگ ئەدەبیات کوردی له پەل کەڵهڕی وەر چەو بگر بۊە و دۊای یەی مانگ وە چاپ دوێم ڕەسیه.
له ساڵ 2020 زائینی دوێمین ڕۆمان کوردی خوەی وە ناوناس تاتریک: سانێگ له بان ئاو نۊسێد ک وە مدوو ئێ کتاوە خەڵات نۊسەر جوان کورد له بنگەی خەڵات بەڕۊ گرێد. لێژنەی داوەرەیل خەڵات بەڕۊ، له بارەی ئێ ڕۆمانە وەتنە: ڕۆمان تاتریک، سانێگ له بان ئاو، ئەزموون جیاوازێگە لە چیروک نۊسان کوردی و هاوئاهەنگی و هاودەنگی لە ناو فۆرم و دەروون ماێە و زووان، شێوەێ ڕیک و پیک ڕەواێەت کردن، زوان ڕەوان ئامێتە وەل خێاڵ، دەسڵاتداری لە وێنەگەری و دەرخستن و نیشان دان ئەمر ئنسانی و کوروورەیل بەشەری و بارودوخ سەخت و پێچیاگ کوومەڵگاێ ئمرووژ، لە تایبەتمەندییەیل ئێ کتاوەسە.

ئێ نۊسەرە له ساڵ 2022 سێهمین ڕۆمان دریژ کوردی خوەی وە ناو دامرکیان بەهەشت وە پەرتخ ڕەسنێد. زۆرم کتاوەیل ئێ نۊسەرە له نەشر باشوور ئیلام بڵاو بۊنە و وە دەس وەردەنگ ئەدەبیات ڕەسینە.
جیا له کار نۊسان ڕۆمان، مازیار نەزەربەیگی له ساڵ 2010 خەریک ڕووژنامەوانیه و تا ئێسه وەل ڕووژنامە و مانگنامەیلێگ لەوای، ژیلوان، زوان داڵگی، ژ، دەنگ ئازادی، ئەندیشەی ڕەخنەیی، دەنگ کوومەڵگا و ... هاوکاری کردێیه و دەسمیەت داس ئەڕای وە ئەوڕێ کەفتن ڕووژنامەوانی کوردی له پارێزگەی کرماشان و ئیلام.[1]