بەرێزان بەرێوەبەرو میدیاکارو کارمەندانی رادیۆی دەنگی گەلی کوردستان
لە یادی41 ساڵەی دامەزراندنی ئێزگەی دەنگی گەلی کوردستاندا، پیرۆزبایی گەرمتان ئاراستە دەکەم و هیوای پێشکەوتن و گەشەی زیاترتان بۆ دەخوازم لە خزمەتکردنی کۆمەڵانی خەڵک و میدیای کوردی دا.
ئێزگەی دەنگی گەلی کوردستان لەدەستپێکی هەڵگیرسانی شۆڕشی نوێی گەلەکەمان بەڕابەرایەتی یەکێتیی نیشتمانیی کوردستانیەکێتیی نیشتمانیی کوردستان، رۆڵی گەورەی بینیووە لە جۆشدانەوەی خەباتی گەلەکەمان و بەرزکردنەوەی ورەی پۆڵاینی هێزەکانی پێشمەرگه و جەماوەری کوردستان، بۆیە وەک هەمیشە دەنگی گەلی کوردستان وەک دەنگی زوڵاڵی شۆڕش لە مێژوو و ویژدانی زیندووی گەلەکەمان دەمێنێتەوە.
لەراپەرینی بەهاری 1991دا، ئیزگەی دەنگی گەلی کوردستان بەبروسکە و پەیامەکانی، هەنگاو بەهەنگاو مژدەی سەرکەوتن و ئازادی باشوری کوردستانی دەگەیاند و کۆمەڵانی خەڵکی جۆشدەدا بۆ راپەرینی سەرتاسەری، رادیۆی دەنگی گەلی کوردستان لەدوایی ڕاپەرینیش لە قۆناغی خەباتی شاردا، کاری لەسەر پەیامی ئاشتەوایی و نیشتیمانی و پێکەوەژیان و پاراستنی دەستکەوت و ئەزموونی باشوری کوردستان کرد و توانی لەگەڵ گۆرانکارییەکانی کوردەواری و لێکەوتەکانی میدیادا خۆی بگونجێنێ و هاوچەرخانە پەیامەکانی بگەیەنێ.
وەک چۆن لە 41 ساڵی رابردوودا خزمەتێکی گەورەتان بە کاروانی خەباتی رۆشنبیری و کۆمەڵایەتی و سیاسی و راگەیاندنی کوردیدا و لەم پێناوەشدا رەنج و ماندوو بوونێکی زۆرتان کێشا، دڵنیام لە ئایندەشدا رادیۆ جوان و خۆشەویستەکەی دەنگی گەلی کوردستان بەردەوام دەبێت لە پێشکەوتن و هەمیشە لە پێشەنگ دەمێنێتەوە
جارێکی تر، پیرۆزباییتان لێدەکەم، دەستی یەکەبە یەکەی تەواوی خێزانە ماندوونەناسەکەی رادیۆی دەنگی گەلی کوردستان -ی ئازیزمان دەگووشم و هیوای سەرکەوتن و پێشکەوتنی زیاترتان بۆ دەخوازم
سەعدی ئەحمەد پیرەسەعدی ئەحمەد پیرە
ئەندامی مەکتەبی سیاسی یەکێتیی نیشتمانیی کوردستان
18-03-202018-03-2020

#یەکێتیی نیشتمانیی کوردستان | #سەعدی ئەحمەد پیرە | #18-03-2020 |