باشووری کوردستان
- ئاگرێکی گەورە لە نزیک بۆڕییە نەوتییەکانی (جەوەڵ بۆر) کەوتەوە کە دەکەوێتە سەر رێکەی کەرکوککەرکوک - سلێمانیسلێمانی.[1]
- بەیانی ئەمڕۆ، ژمارەیەک گوللە هاوەن لە گەڕەکی عەسکەری شارۆچکەی خورماتووخورماتووی سەر بە پارێزگای سەڵاحەدین کەوتنە خوارەوە.[2]
- سوپای تورکیا لە ڕێگەی تۆپخانە و فڕۆکەوە بۆردومان و تۆپبارانی چەند ناوچەیەکی سنوری سیدەکانسیدەکانی دەستپێکردەوە.[1]
- بەڕێوەبەری پشکنین لە بەڕێوەبەرایەتی گەشتوگوزاری سلێمانی رایگەیاند بەهۆی زۆری گەشتیارەوە هیچ جێگایەکی بەتاڵ لە میوانخانەکانی سلێمانیدا نەماوە، گوتیشی بەپێچەوانەی جەژنەکانی پێشوو ئەو چێشخانە‌ و خواردنگانەی شوێنەکانیان داخستبوو، سزای قورس دەدرێن.[3]
- سەرۆکی فراکسیۆنی یەکێتی نیشتمانی کوردستان لە پەرلەمانی کوردستان رایدەگەیەنێت، هەوڵێک لە دەرەوەی پەرلەمان هەیە بۆ دواخستنی هەڵبژاردن، بەڵام هیچ فراکسیۆنێک بەئاشکرا کاری بۆ دواخستنی هەڵبژاردن نەکردووە و دەڵێت تازە دواخستنی هەڵبژاردن بە پەرلەمان ناکرێت.[1]
- مەکتەبی سیاسیی حزبی شیوعی کوردستان، سەبارەت بە لێدوانەکانی فاتح یڵدز، باڵوێزی گشتیی تورکیا،کە لە یەکەم ڕۆژی جەژنی قوربان لە مزگەوتی گەورەی نوری شاری کەرکوک وتبوویکەرکوک شوێنی باوباپیرانمانە، بەڕاگەیندراوێک کاردانەوە و ناڕەزایەتی توندی نیشان دا.[4]
- بۆ یەکەمجار و بە ئامادەبوونی جەماوەرێکی زۆری سنووری شارۆچکەی پێنجوێنپێنجوێن، شەوەئاهەنگێکی هەمەڕەنگ لە هۆڵی ناوەندی وەرزش و لاوانی پێنجوێن بەڕێوەچوو کە لەلایەن گروپێکی خۆبەخشی سنوورەکە و ناوەندی وەرزش و لاوان-ەوە رێکخرابوو.[1]
- کچێک بەناوی (پەرواز حوسێن) تەمەن 16 ساڵ لە گەڕەکی ئاشتی قەڵادزێقەڵادزێ بەهۆی ئەوەی بە ئاگر سووتاوە دەگەیێندرێتە نەخۆشخانەی قەڵادزێ، بەڵام بەهۆی زۆری رێژەی سووتاویەکەی کە 70% بووە بەڕێدەکرێت بۆ نەخۆشخانەی ئێمرجێنسی سلێمانی و دواتر لە درەنگانی شەو گیانلەدەستدەدات.[3]
دەرەوەی کوردستان
- بەهۆی سزاکانی سەر ئێران لەلایەن ئەمریکاوە، هەردوو وڵاتی فەرەنسا و بەریتانیا بڕیاریاندا لەسەرەتای مانگی داهاتووەوە گەشتە ئاسمانییەکانیان بۆ ئێران رابگرن.[3]

#کەرکوک | #سلێمانی | #خورماتوو | #سیدەکان | #پێنجوێن | #قەڵادزێ |