کچێکی کوردی ئێزدییە، دوای ڕزگاربوونی لە دەست #داعش# دەچێتە ئەڵمانیا، بەڵام ئەو چەکدارەی داعش کە کڕیویەتی، لە ئەڵمانیاش دەیدۆزێتەوە، ئەوەش ئەشواق ناچاردەکات لە ترسی ژیانی بگەڕێتەوە کوردستان. ئەشواق حەجی هاوشێوەی سەدان کچی کوردی دیکەی ئێزدی لە 3ی ئابی 2014دا کەوتووەتە دەستی داعش. ئەشواقی تەمەن 19 ساڵ بە 100 دۆلار دەفرۆشرێتە چەکدارێکی داعش بەناوی ئەبوو هومام، بەڵام لە تشرینی یەکەمی 2014دا توانی هەڵبێت و بگەڕێتەوە هەرێمی کوردستان.[1][2]