لە ماوەی دوو رۆژی رابردووی جەژن لە دەروازەی سنووری نێودەوڵەتی ئیبراهیم خەلیلەوە نزیکەی 4 هەزار گەشتیار چوونەتە وڵاتی تورکیاتورکیا و شارەکانی باکووری کوردستانباکووری کوردستان. یوسف موسا، پەیامنێری تۆڕی میدیایی رووداو لە زاخۆزاخۆ، رایگەیاند: بەپێی ئەو ئامارانەی لە دەروازەی سنووری ئیبراهیم خەلیلەوە دەست رووداو کەوتوون، لە یەکەم و دووەم رۆژی جەژن نزیکەی 4 هەزار گەشتیار لەو دەروازەوە چوونەتە وڵاتی تورکیا و لە بەرامبەریشدا 2 هەزار گەشتیار هاتوونەتە باشووری کوردستانباشووری کوردستان. پەیامنێری رووداو دەڵێت: زۆربەی ئەو گەشتانەی بۆ تورکیا ئەنجام دەدەرێن بۆ شارەکانی ئیستەنبوڵئیستەنبوڵ و ئەنتاڵیائەنتاڵیایە و بەشێکیشان روو لە ناوچەکانی باکووری کوردستان دەکەن. بەڕێوەبەرایەتی گەشتوگوزاری زاخۆ پێشبینی ئەوە دەکات لە ماوەی 10 رۆژ نزیکەی 50 هەزار گەشتیار لە دەروازەی سنووری ئیبراهیم خەلیلەوە هاتووچۆ بکەن.
27-06-2017

#تورکیا | #باکووری کوردستان | #زاخۆ | #باشووری کوردستان | #ئیستەنبوڵ | #ئەنتاڵیا |