رۆژنامەڤان ل سالا 1966 ل باژێرێ دهۆکێ ژدایک بویە، باوەرناما دبلومێ دبوارێ کارگێری دا وەرگرتیە و پشتی ئاکنجی بوونا وی ل کەنەدا باوەرناما پشکا سوسیال سێرڤس د بوارێ کومەلایەتی دا ب دەست ڤە ئینا کو دبیتە دبلوم ب خزمەتێن جڤاکی.
حەز و ڤیانا وی بۆ رۆژنامەڤانی و راگەهاندنێ کارتێکرنەکا مەزن لێکر، ل سالا 1994 کوڤارەک ب ناڤێ "رۆژانوو" ل باژێرێ ئوتاوا ل کەنەدا دەرئێخست و پشتی دەرچوونا 12 ژماران ژ وەشانێ هاتە راگرتن و پاش کۆڤارا "پێنگاڤ" ل باژێرێ کەلگاری دەرئێخست، هەتا نوکە "7" ژمارە ژێ دەرکەفتینە کو ئێکەم ژمارا وێ ل 1 – 10 – 2009 دەرکەفتیە و ب سرووشتێ خو پووتەیی ددەتە چاند و زمانێ کوردی و رەوشا مشەختێن کورد ل ڤی وەلاتی و هەر ژمارە نۆچە و راپۆرت و دیدار و گوتار و بابەتێن داهێنانا ئەدەبی و ریکلام تێدا بەلاڤ دبن.