لاچەمێو پەی دروشمەکاو یاڎو مەحمودخانو دزڵیؽ
نویسا: #ناجح گوڵپی#
ئیرۉ (#21-05-2025#ز.) هەڵەبجەنە یادو مەحمودخانو دزڵیؽ لوا ڕاوە، چەنی دەسوەشانەی پەی ڕؽکوزیاو سیاوچەمانەی و تەلەفزیۉنو گەلو کوردسانی، گرد هامکارؽ و بەشدارؽ ئی یادیە، سەرنجە مەوزو سەرو هەورامی نویستەی، بە تایبە دروشمەکا:
ڕێکوزیاو کەلتوری یانەو سیاوچەمانەی.
بە سپۆنسەری کەناڵ و گەل وکوردستانی.
ئی دووە دەسەواتؽ جەبارو قاعدەکاو ڕازوانیوە هەلؽنؽ. چەنی؟
مەشۉ بنویسمؽ ڕؽکوزیای کەلتوری. چون کەلتوری وەسفەن پەی ڕؽکوزیاکەی، بە (ی) مەدریانؽ پاڵو یۉی.
بەسپۆنسەری بیچمێوی کوردین نریانرە، هەورامینە مەشۉ بواچی (سپۆنسەری کەردەی) یام سەروکاری کاناڵەو گەلو کوردسانی، دەسەواچؽ نامؽنە مەشۉ (و) بلکۉ نامەکارە، یانی ئینە بارو ڕاسیشانەن. خاڵبەندیچ وەرچەم نەگیریان.
ڕؽکوزیای کەلتوری یانەو سیاوچەمانەی
سپۉنسەریکەردەی کاناڵەو گەلو کوردسانی.
هەرپاسە (چؽرو دروشمەو) جە قاڵبی عەرەبیوە ئامان دلؽو زوانو کوردی، چاگەیچەو ماراش پەی هەورامی. بؽ ئانەی ئی قاڵبە لازم بۉ متاوی تەنیا دروشمەکؽ بنویسی.
هاموەختەن بەیادو (106)ساڵەو ئازادکەردەو... ئازادکەردەو هەڵەن مەشۉ بنویسی -ئازادکەردەی شارو سلؽمانی.[1]