بۊنەو ڕۊو جەهانیی شیعرێوە
شیعرەی هۆرامییه
نویستەی: #سوهەیب فاروق#
کاتێ شیعرە منویسمې و بە هۆرامی منویسمېش، جگە جە گرڎو ڕەهەندەکا تەری ڕەهەندوو زوانی هۆرامی و شۆنێ هۆرامانٓ پەی منی هۆرامی گرنگێنێ هۆرامان پېسە شۊنی و هۆرامی پېسە زوانی هەمیشە باگراوندێ شیعرێشا بېیەن شیعرە بە مانا قووڵە فەلسەفییەکېش، بە مانا ستاتیکی و ڕۊحگەرایەکېش، شێعرە ئەوەڵۆ کە مێ بییەی پەیڎێ بۊ، ئینا سەرو تۊکڵی و دیمیوە ئانەخېیاڵشا بەیانش کەرۊ شیعرییەتا، واتەی قووڵایی بییەیبوونین، هەر کات ئی قووڵاییە تەنک بییەبۊوە، شیعرە یەکڕاس فریاش کەوتەن.
چېگەوە هەرچڼە تارېخ شێعرەو ئېمە بڕێ دیمێش زېیاتەر دۊخەتاکەکەسییەکەی نیشانە مڎا وەلێ مەدلوولوو ئی دالی، دۊخێ دەسەجەمعیی ئینسانین، شاعیر کاتێ مێوە قسێ و دوۆ هەست بە نەقسێمەڕیاییێ کەرۊ، ئینسانیەتنە، چێوە شاعیر ئا خوڎاڵەنە کە ناشیعریەت شیعری کەرۊوە، مەڕیایەکا ڕوەو وەشکەرڎەیۆ نیشانە مڎۊ، چېگەوەشاعیر ئینسانێ تەنیاو وێوین نیا، ئینسانێ ئەوی تەروینا (ئەویتربین)؛ ئینسانێ کەمناقس نییا بە عەکسۆ ئینسانێن، نەقسوو مەڕیای ئینسانەکا زووتەرین کاتنە درک پەنە کەرۊ و وزۆش چېرو چەمو ڕەخنەی، چېگەوەن چەمۍ شاعیری هەمیشە کریێوەنێ و زوانو شاعیری هەمیشە وەڵان؛ دەسو شاعیری هەمیشە پەی بەرزاییەکا بەرزبۊوە و برێ جاریچ ملۊرە قووڵایی زەخمەکا؛ چېگەوەن کە شیعرە نزیکە بۊوە جە سەفسەتەی و ئا تەرسێ نزیک وزۊوە جە وېش، پانەیچ جە سەفسەتەی جیابۊوە، شیعرە مەرامەکەش مشۊ وېشنە بۊ وەلێ ئینسانی سۆفیست مەرامەکەو جبەری جووڵنۊش، هەرچن بڕێ جار زوانەکەشا جە یۊی مشۊ.
شیعرە پەی ئیسەو هۆرامانی
ژیوای بە گشتی هەنگامە ڕوەو ناشیعریبییەی منیۊ، مەسڵەحەت یاگې حەقی گېرۆوە، ئیسەنە جەنگو سڕیەیۆ کەڵچەری گۆرەتەرین جەنگا، ئەرچی بڕێ جار بە چەکی گۆرە و ئینتەرنێت و کلیک و کیبۊرد کریۆ، وەلێ بڕێ جاریچ بە زوان و بە کولتوور کریۆ زاڵکەرڎې کولتوورێ ملو کولتوورێ تەریرە زوانێ ملو زوانێ تەریرە هۆڵیود و زوانی ئینگلیزیً بە نموونە، چېگەوە، هۆرامان دۊخە شیعرییەکەش پېسە بەشێ جە دنیێ و پېسە وێچش دلې وېشنە، ئینا چېرو تەرسەو ناشیعریەتینە، کاتێ ناشیعریەت مێ، گرڎی کەرۊوە یۊ جیاوازیې نمازۊ خېیاڵشا یەکڕەنگیی دنیێ نیشانە بڎۊ، هۆرامان سەرزەمینو جیاوازییەکان جوانییش ئینا فرەڕەنگیشنە، ویری هۆرامی و زوانی هۆرامی پێسه یانەو ویرەکەیش، بە پەیمانۊو هایدگەری، مشۊم هەنگامەکاش ڕوەو شیعریەت تڼوتۆڵ کەرۊوە، شاعیری هۆرامی چێوەن ئەرکش قورسا چوون مشۊم جەنگو ئینسانیەتوو وېش کەرۊ و جەنگو مەنەیۊ بوونە کولتورییەکەیچش، مشۊم هەمانکاتنە تازەیچ بۊوە و شیعریچ بۊ، مشۊم ئاوانگارد بۊ و تەسلیمیچ نەبۊ.[1]