ئەرەمەرزنای سوپاو داگیرکاری ئێراقی بە دەسو ئینگلیزی
سوپاو ئێراقی جە سەردەمو پاشایی و حکومەتو فەیسەڵی یەکەمی و چېرو ئینتیدابی بەریتانینە مەزیارەو یەکەمین شالیاری جەنگی و وەرگیری ئێراقیچ ئەچا کاتەنە ئەفسەرێ کورد بې بەنامې جەعفەر عەسکەری، کە پېسە ماچان جە بنەیانێ کورڎی ناوچەو عەسکەری سەر بە شارو کەرکوکی بېیەن.
چوارڎە ئەفسەرې بەرشیې وانگای جەنگی عوسمانلی کە هەشتشان کوردې بېنې، تاریخو (06-01-1921) بەشداریشان جە بنیاڎنیای یەکەم فۆجەو سوپاو ئێراقی کەرڎە و بی بە بناغێوە پەی سوپای یۊگېرتې ئېراقی، ئینېچ نامې ئا ئەفسەرە کوردانە:
یەکەم: لیوا ڕوکن #جەعفەر عەسکەری#.
دوەم: ڕائید #تۆفیق وەهبی# بەگ.
یەرەم: نەقیب #محەمەد ئەمین زەکی بەگ#
چوارەم: ڕائید یاسین حیلمی سەلمان هاشمی (ئینەشان وېش بە کورد نەزانان).
پەنجەم: ڕائید #بەکر سدقی# شەوقی عەسکەری.
ششەم: عەقید عەبدولحەمید ئەحمەد.
حۆتەم: ڕائید سەعید محەمەد.
هەشتەم: نەقیب حەسەن حسێن عەسکەری.
هەر ئا سوپاو ئێراقییە کە ئا ئەفسەرە کوردې بەشداریشان جە بنیاڎنیایشەنە کەرڎە، دماتەر بېیە بە دڕڼەتەرین سوپا پەی سەرو گېیانو خەڵکو کورڎی کە داگیرکەرڎەی کورڎەسانی و کوشتەی و ئەنفال و کیمیایی وارانو خەڵکیش کەرد بە دیاری پەی خەڵکو کورڎەسانی. [1]