ناڤ: سری سوورەییا
ناسناڤ: ئۆندەر
ڕێکەفتا ژدایکبوونێ: #07-07-1962#
ڕێکەفتا وەغەرا داویێ: #25-05-2025#
جهێ ژدایکبوونێ: پارێزگەها سەمسوور/ئەدیامان
جهێ وەغەرا داویێ: ئیستانبووڵ
$ژیاننامە$
-ساڵا 1962 ل پارێزگەها سەمسوور یا باکوورێ کوردستانێ ل ماڵباتەک تورکمان ژدایک بوویە.
-ل کۆلێژا زانستێن سیاسی ل زانینگەها ئەنقەرە خوەندییە و هەیا قویناغا دووهەمێ بەردەوام بوویە.
-هەرباری هندێ کوو سیاسەتڤان بوو، کارێ ڕوژنامەڤانی و دەرهینانی فیلم و هەروەسا سیناریۆنڤیسی ژی دکر، د هەمان دەمدە ل چەندین فلیمان ژی وەکو ئەکتەر ڕوڵێ خوە هەبوویە.
-ڕوڵێ گرنگ ل پڕۆسەیا چارەسەری یا 2013-2015 ل تورکیایێ هەبوو و ئیساڵ ژی 2025 سەروکێ شاندییا دەم پارتی ژبو دیدارێن ئیمراڵی بوویە.
-ل هەڵبژاردنێن ساڵا 2015ێ یا پەڕڵەمێنتۆیا تورکیایێ لسەر لیستا پارتی یا دیموکراسی یا گەلان (هەدەپە) خوە بەربژێر کر و بوویە پاڕڵمانتارێ ئەوێ پارتێ ل بازنەیا ئەنقەرە.
-ل دوماهیک هەڵبژاردنا ساڵا 2023 یا پەڕڵەمێنتۆیا تورکیایێ بوویە پەڕڵەمانتارێ دەم پارتی ل بازنەیا ئیستانبووڵ.
-بریکاری سەروکێ پەرڵەمانێ تورکیا و هەروەسا بریکارێ سەرۆکێ فراکسیۆنا دەم پارتی ژی بوو.

پشتی 18 ڕوژان مانەڤە ل نەخوشخانەیەکە باژێڕێ ئیستانبووڵێ، سری سوورەییا ئۆندەر دەمژمێر 4.10 خولەکا ئێڤاری یا ڕوژا شەممبیێ ڕێکەفتا #03-05-2025# وەغەرا داویێ کر و نەخوەشخانەیێ ژی ل ڕاگهاندنەکێدە ئەڤ چەندە پشت ڕاست کرەڤە.
نەخوەشخانە ل ڕاگهاندنا خوەدە دبێژیت: ئۆندەر ب ئەگەرا لاوازی سست بوونا و لکارکەتنا بەشەک ل ئەندامێن جەستەیێ خوە، هێزا بەرگریێ نەمابو و گیانێ خوە سپارد.
سری سوورەییا ئۆندەر، شەڤا سێشەممێ #15-04-2025# تەندرووستییا وی تێکچوو، پشترە دەرچوو توویشی قوت بوونا دەمارێن سەرەکە ئێن دلی بوویە.
وی دەمەی پزیشکان ڕاگهاند، ژبەر بڵند بوونا پەستانا خوینێ دەمارێن دلێ وی قوت بوون و پشتڕە ژی جەڵتەیێ لێ دا.
هەر ل دەستپێکێ دگوت: بەرسڤا نەخوەشی ژبو چارەسەرییان ئا کێمە، وەرەما مێشکێ وی یا بەردەوامە و مەترسی لسەر ژیانا وی بەرەف زووربوونێ یە.[1]