نڤیسینا: سەباح مەلا عەبدوڵڵا
کاک جەعفەر محەمەدی، کوڕێ کاکەبرا، ژدایکبوویا 1345یا هتاڤی / 1966ێ زایینی ل گوندێ زەلکە یا #مەریوان#، بەرنیاس ب جافر زەلکەیی ل زاروکیڤە هوگرێ موزیکێ بوو و د ماڵباتا خوەدە و لسەر دەستێ دوو برایێن ل خوە مەزنتر، ل ژیێ 12 ساڵیدە فێری ژەنینا ئامیرێ شمشاڵێ بوو.
ب کاسێتان ل هونەرێ ماموستا قال مەڕەقال مەڕە و شمشاڵژەنێ دێرینێ مەریوان حەمە وەستای کانیسانان و هەروەسا ل نزیک ڤە ژی ل ڤان ژەنیارانێن شمشاڵێ ل دەڤەرا مەریوانێ دە مفا وەرگرتییە: ئەحمەد زەلکەیی (ئەحا خازێ) ، محەمەد پیرسەفایی (حەمە خاولی) ، فایەق نژماری، مستەفا سێفی، عەبدوڵڵا کانیسانانی و مەحموود کاڵی.
ساڵا 1362 ە / 1983 ز، ب فەرمێ ژیانا هونەری دەستپێکر و ژبوی ئێکەمجار ل شەهیانەکێدە شمشاڵ لێدا. هێدی هێدی ناڤبانگ دەرکر، ل بۆنەیاندە گازیا وی دکر دا وەکە هونەرمەندێ ژەنیار پشکدار بیت.
دگەل زوربەیا سترانبێژێن مەریوان و هەورامانێ دە کار کرییە و بەرهەمێن هەڤبەش تومار کرینە ژ وانا: ماموستایان عوسمان هەورامی، حەمەحسێن کەییمنەیی، سەباح هەورامی، عەینەدین، حەمە مەلا، حەمەومین خواشتی، ئەبووبەکر ئەسکۆڵی و...
کاک جافر وەکە ژەنیار و کاک عومەر کارێزی (سترانبێژ) بهەڤرە تیپەکە موزیکێ دامەزراند و چەندین ساڵان خزمەتا هونەرا کوردی کرن و ب تایبەت دگەل گرووپا شاهییا دازدە سوارەێن مەریوان و تیپێن دن دە ب دەهان بەرهەمێن هونەرییان خولقاندینە.
ماموستا جافر ل چەندین ڤیستەڤاڵێن هونەری ل هەر دوو ئالیێن کوردستانێ و ناڤخویێ ئیرانێ دا پشکداری کرییە و چەندین خەڵات و ڕێزنامە وەرگرتینە.
سەرباری شمشاڵێ، ئامیرێن زوڕنا و دووزەل و باڵەبان/یش دەژەنین، شمشاڵ ژبوی پتر ل چارسەد سترانێن سۆرانی و هەورامی لێدایە.
ژبەر نەبوونیا ماڵباتا وی و ڕیدانێن ئەقلیمی، دەرفەتا خوەندنێ نەبووە و ل قویناغا ناڤەندیدا دەست ل قوتابخانەیێ بەردا.
ساڵا 1372 ە / 1993 ز، ژیانی هەڤژینی پێکئانی و نها خوەدی پێنج زارۆکانە.
جهێ ئیماژێیە کو ماموستایێ هونەرمەند دوماهیک پیشەیا وی شۆفیرێ تەکسیا هێڵا مەریوان-کانیدینار بوو و پتر ل بیست ساڵانە ئاکجیێ باژێڕوکێ کانیدینارە.
ب مخابنیڤە ل ڕوژا 24ی پووشپەڕی 1400 (#2021-07-15#) ، ب ڕیدانا هاتن و چوونێ ل ڕییا مەریوان-#سنە#دا وەغەرا داویێ کر.
[1] [2]