شەهید محەمەد عەبدولوەهاب فەتحوڵڵا (1965-1996)
وەرگێڕانا: کامەران ئاکرەیی

ناڤێ وى (محەمەد عەبدولوەهاب فەتحوڵڵا کاوێس مەلاک)ە و ب (محەمەد بڕنۆ) یێ بەرنیاسە، ساڵا 1965 ل ماڵباتەک نشتیمانپەروەر، ل #ئیلنجاغى گەورە# ژدایک بوویە، هەیا پولا ئێکەما ناڤەندى ل قوتابخانەىا ئیلنجاغا مەزن خوەندییە، ژبەر نەداریێ نکارییە درێژە ب خوەندنێ بدەت و دگەل ماڵباتا خوە مژویلی کەسابەتێ بوویە، ساڵا 1981 پەیوەندى ب ڕێکخستنێن شوڕەشا نو دکەت، ل دوماهیکا ساڵا (1982) دبیتە پێشمەرگە ل کەرتا (2) ىا تیپا 86 یا دەشتا هەڤلێرێ یا #یەکێتیی نیشتیمانی کوردستان# دەف فەرماندێ کەرتێ شەهید #ئەحمەد قەمبەرى# ، پشکدارییا چەندین نەبەرد و قارەمانێتیێن سنوورێ تیپ وکەرتێ خوە کرییە، د ناڤبەرا #هەڤلێر# و #کۆیە# و #تەقتەق# و #کەرکووک# و هەروەسا ل دەهان چالاکیێن ناڤا باژاڕ و باژاڕوکان ڕولەک کاریگەر هەبوویە، ل دوماهیکا ساڵا 1986 بو ماوێ ساڵەکێ ل هێزا بەرگرى یا سنوورێ کێڵگەها نەفتا تەقتەق تەڤی محەمەد ئیلنجاغى دبیت و ل هەمی شەڕێن ئەڤێ سنوورەی ب گرتنا تەقتەقێش پشکدار بوویە، محەمەد بڕنۆ پێشمەرگەکێ قارەمانێ (12ێ سوارێ مێرجاڕ) ىا ئیلنجاغا مەزن تێ ئەژمار کرن کو ب هەڤکارىیا هێزەکە حزبا شیوعى یا ئیراقێ کارین ل #26-04-1987# مەزنترین داستان وسەروەریێ ل کوردستان و دەڤەرێ توماربکەن.
ل ڕاپەڕینا بەهارا 1991ێ گەلێ کوردستانێ بەشداری کرییە ل ڕزگارکرنا دەڤەرێن جودا، ساڵا 1993 ل سکرتارییەت و سریەىا تایبەت یا هەڤاڵ #مام جەلال# بوویە، ل ساڵا 1994 بوویە سەرتیپ ل بەتاڵیۆنا تەقتەق، پشترە وەکە پێشمەرگەیێ پاسەوان ل کێڵگەها نەفتا تەقتەق دەست بکار بوویە، ل زوربەیا شەڕێن پاراستنا دەستکەفتێن ڕاپەڕین و حکوومەتا هەرێما کوردستانێ بەشداربوویە، پشتی چەندین ساڵان ل خەباتا پێشمەرگایەتى ل شەڕى ناڤخۆ ل (#1-10-1996#) ل هەمبەر #پارتى دیموکراتى کوردستان# ل بنارا چیایێ هەیبەت سوڵتان شەهید دبیت، ب ئەگەرا شەڕ و پەڤچوونێ بو ماوێ (3) ڕوژان ب (ئەمانەت) ل باژێڕوکێ (#دوکان# ) هات بخاک سپاردن و پشتڕە هات ڤەگوهاستن بو گۆڕستانا ئیلنجاغا گەورە، جهێ ئیماژێیە محەمەد عەبدولوەهاب خوەدی 6 زارۆیانە ب ناڤێن: (کاروان و کاردۆ و کەیوان و خەندە و ڕێژاو وڕێژین) . [1]