دامەزرێنەرێ ڕوژنامەیا کوردی یا میقداد مەدحەت #بەدرخان# کوڕێ میربەدرخان پاشایە.
ساڵا ژدایک بوون و وەغەرا داویی یا وی نەدیارە. میقداد مەدحەت بەدرخان ناڤەکێ تێکهەلە، ئەڤ ناڤە ئێن عوسمانییانە و کوردێن ئەوی سەردەمەی ئەڤ کلتورە ل فەڕەنسیان وەرگرتییە ژبو ناڤ لێنانا زارۆیێن خوە .=KTML_Photo_Begin=https://www.kurdipedia.org/files/relatedfiles/2008/345/0001.JPG=KTML_Photo_Alt=رۆژنامەی کوردستان=KTML_Style=width:17%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/345/0001.JPG=KTML_Photo_End=
ساڵا 1891 هاتییە میسر، ساڵا 1898 ل قاهیرە پێنج ژمارە ئێن ڕوژنامەیا کوردستان بەڵاڤ دکەتەڤە، ئێکەم ژمارەیا ڕوژنامێ ل #22-04-1898# دا بەڵاڤ کرییە. پشترە ل ترسا هەڕەشەیێن سوڵتان عەبدولحەمیدێ عوسمانی ڤەدگەڕێتە #ئیستانبوڵ#، ژبەر کوو لبەر خاترا وی، برا و کەسێن وی توویشی ئەشکەنجە و زیندانی کرنێ نەبن.
ساڵا 1899 دگەل عەلی بەگێ برایێ خوە هەوڵ ددەن زەمینە ژبو شۆڕەشەکە نەتەویی خوەش بکەن، لێ دڤێ دە سەر ناکەڤن. هندەک ل دیرۆک نڤیس دبێژن، میقداد مەدحەت بەدرخان ئێک ژ ئەندامێن چالاک ئێ پارتییا ئیتحاد و تەرەقی بوو. ساڵا 1906 لسەر ئەڤی هەڵوێستەی ل تورکیا هات نەفی کرن. ساڵا 1910 و هەیامەک پشتی ڕاگهاندنا حکومەتا دەستووری ل ئەستەمبوڵ پشکداری دکەت ل دامەزراندنا جەمعیەتا نەشری و مەعاریفی یا کوردی لدیف هندەک چاڤکانیان هەیامەک بوویە موتەسەریفێ باژێڕێ #دەرسیم# و لڤێ ساڵێ ڕە توو پێزانینەک دەربارێ ژیانا وی نەیا دیارە، میقداد مەدحەت بەدرخان ژبلی کوو ئێکەمین ڕوژنامەنڤیس و دامەزرێنەرێ بزاڤا کوردییە، چاپخانەیەکیش بناڤێ چاپخانەی ڕوژنامەیا کوردستان ل قاهیرە دامەزراندییە، کو ب ئێکەمین چاپخانەیا کوردی تێ ئەژمار کرن.
ئەڤ ڕێبەرێ مەزن ژبلی زمانێ خوە و زمانێ تورکی و عەرەبی زمانێ فەرەنسی ژی بباشی زانیە، لەوما دگەل بەڵاڤ بوونا ئێکەمین ژمارەیا ڕوژنامەیا کوردستاندا کارتەک ب زمانێ فەڕەنسی بەڵاڤ کر کو شارستانیبوونا عەقڵی میقداد مەدحەت بەدرخان نیشان ددەت.
ڕوژا 22یا نیسانا هەموو ساڵەکێ وەکە یاد و دامەزراندنا ڕوژنامەیا کوردی بوویە بونەیەک نەتەویی ل کوردستانێ و یادا وێ دهێتە بەرز ڕاگرتن.[1]