بەنداڤا تشرین دکەڤیتە دەڤەرا #مەنبەج# و دکەڤیتە ئەوان دەڤەرێن دەردۆرێ پارێزگەها #حەلەب# ل ڕوژئاڤایێ کوردستانێ ل وڵاتێ سووریا لسەر ڕیبارێ فوراتە، ئارمانج ل درووست کرنا ئەڤێ بەنداڤێ بەرهەم ئانینا وزەیا کارەبێ یە. 115 کم ل باژێڕێ حەلەب و 80 کم ل سنوورێ وڵاتێ تورکیایێ یا دویرە. کوژمێ ئەوی پارەی کوو ژبو دروست کرنا ئەڤێ پڕۆژەیێ هاتییە خەرج کرن، نێزیکی 22 ملیار لیرەیێ سووری بوویە.
دەست پێکرنا خزمەتگوزاری و بکارئانینێ: 1999
بەرزیا بەنداڤێ: 40 مەتر
قەبارەیا ڕاگرتن و داگرتنا ئاڤا ئەڤێ بەنداڤێ کوو بوویە دەریاچە، نێزی یەک ملیار و 900 ملیۆن مەترێن سێ جایە.
$بەشێن بەنداڤێ$
=KTML_Bold=بەنداوا سەرەکە=KTML_End=
درێژییا بەنداڤا سەرکە یا ڤی پرۆژەی، 900 مەتر درێژ دبیت و دکەڤیتە پارچەیەکی تەسک ل دۆڵا ڕووباڕێ فوراتێ.
پێک دهێت ل پڕ کرنا بەشا پشتێ کوو ل تەنشتا وێ ئاخ هەیە ب کۆم کرنا هایدرۆلیکی هەیا ئاستێ (305) مەتران، بەشا سەرێ ب پڕ کرنا بەشا پشتێ ل تەنشتا وێ کو ل ئەنجامێ هەڵکۆڵینا وێستگەیێ کارەبا ئاڤی هاتییە درووست کرن هەیا ئاستێ 329 مەتران ژبو ئالیێ پێش یێ ئەوێ بەنداڤێ و ژبو بهێز کرنا ئالیێ پێش یێ بەنداڤی هاتییە دەینان، ب مادەیێ چیمەنتۆ هاتییە داپۆشین، ئەڤ چەندە د دەمەکێ دایە کوو بەشا پشتێ یا بەنداڤێ ب بەر و کەرەستەیێن درشت وەکە بەر هاتییە داپۆشاندن کو کویرییا وێ دگەهیتە 40 مەتران کو هەیکەلی سەرەکە یێ بەنداڤێ و ئەو ئالیێ کوو بەرێن درشت ژێڕە داناینە، بهەڤڕە گرێ ددەت، ئەڤە ژبلی دوو ڕێزە بیران کوو ئەو ژی ژبو دەرزی لێدانا بەنداڤێ کوو سەلامەتییا وێ دپارێزیت هاتییە بکار ئانین.
=KTML_Bold=بەنداوڤا لەهییان=KTML_End=
دەکەڤیتە ئالیێ ڕاستێ وێستگەها کارەبێ کوو ل تەنشتێ رە ب ئاخا هشک هاتییە پڕ کرن، ژ ئالێ پێش ژی ب تەختەیێن کۆنکرێتی و ل پشتێ ژی چینەک درشتێ ئەڤێ بەنداڤێ وەکە دینگەیەک سەلامەتی ژبو بەنداڤا سەرەکە و... وێستگەها کارەبێ ئاڤی ل ئەگەرێ ڕیدانا لەهییا کارەساتبار.
=KTML_Bold=وێسگەها کارەبێ یا ئاڤی=KTML_End=
شەش سێتێن بەرهەم ئانینا جورێ کاپلان لخوە دگریت دگەل ئیکسسواراتێن وێ، هەر ئێکێ شیانا 105مێگاوات، و تەڤایا کارینا وێستگەهێ 630مێگاوات، زورترین کۆمپرێسەر 30م، کەمترین کۆمپرێسەر ژبو درووست کرنا سێتان /15.5/m یە، و کۆمپرێسەرا ناڤخوەیی /26/m یە. [1]