میرگەها ستوون (شەمدینان)
خواندنەک د بەلگەنامەیێن عوسمانیدا 1515-1609
د. نزار ئەییووب گولی
زانکویا زاخو/ پشکا دیروکێ [1]
=KTML_Link_External_Begin=https://www.kurdipedia.org/docviewer.aspx?id=450064&document=0001.PDF=KTML_Link_External_Between=کلیک بکە بۆ خوێندنەوەی میرگەها ستوون (شەمدینان) 1515-1609=KTML_Link_External_End=
کورتی:
خواندنا ديروکا کوردان ل سەردەمێ عوسمانی ب زانینا دیروکا میرگەهان ڤە گرێدایە، ئانکو میرگەهێن کوردی ل سەردەمێ عوسمانی نوونەراتیا ژیانا سیاسی و ئابوری و جڤاکی ورەوشەنبیریا مللەتێ کورد دکر. لێ ژبەر نەبوونا پێزانینێن بەرفرەﮪ ل سەر ڤان میرگەهان گەلەک لایەنێن دیروکا کوردستانێ د تاریاتیێدا ماینە.
میرگەها شەمدینان یان ستوون ئێک ژ وان میرگەهانە کو پێزانین ل سەر ئێکجار کێمن، و چێدبیت ئەڤە ئێکەمین ڤەکولینا زانستی بیت کو هندەک ڕووناهی بەردەتە سەر ڕەوشا وێ یا سیاسى ل سەردەمێ عوسمانی.
هەرچەندە کو شەمدینان میرگەهەکا بچووک بوو لێ کاریگەریا وێ ددیروکا کوردان دا ئێکجار زورە چونکە مالباتێن دەستەلاتدار ل چەندین میرگەهێن مەزنێن کوردان ل ڤێ دەڤەرێ پەیدا بووینە، هەروەسا شەمدینان ل پاشەروژێ بوو ئێک ژ مەزنترین سەنتەرێن ئایینی و سیاسیى ل کوردستانێ.
ئەڤ ڤەکولینە هەولەکە ژبو خواندنا دیروکا سیاسیا ئەڤێ میرگەهێ دناڤبەرا سالێن (1515-1609)دا، و ب شێوەیەکێ سەرەکی پشت ب بەلگەنامەیێن ئەرشیفێ عوسمانی بەستیە، و دشێت ببیتە بنگەهەکێ باش بوو پتر ڤەکولینێ ل دور دیروکا ڤێ میرگەهێ.