ئێکە ژ گوندێن سەرب دەڤەرا بامەرنێ ڤە. دکەفیتە باکورێ روژئاڤایێ بامەرنێ وروژئاڤایێ گوندێ زێوە شێخ پیراموس وروژهەلاتێ گوندێ هەسن پیرکا وباکورێ گوندێ داودیێ.
ژ (3) بنەمالا پێک دهێت، ل ساڵا 1974 ل بنێ چیایێ مەتینا بوون ئانکو دگوتێ (بانیێ) ژمارا خانیا (31) بوون. پاشان ل ساڵا 1991 گوند هاتە ڤەگوهاستن بو سەر جادا گشتی ئانکو شرتێ یا نها کو (83) خانی و(450) کەس بوون. ئێک مزگەفت لێ هەیە و ل ساڵا 1992ێ ژلایێ رێکخراوەکا بیانی ڤە قوتابخانا سەرەتایی هاتە ڤەکرن هەردیسان ل ساڵا 2004ێ قوتابخانا دواناوەندی لێ هاتە ڤەکرن. دوو ئاش ل گوندێ شرتێ هەبوون لێ نها تنێ شینوارن ئێک بناڤێ (گورانگەهێ) دکەفیتە باکورێ گوندی وئاشێ (کوتەلێ) دکەفیتە باشورێ گوندێ شرتێ. ل ساڵا 1930ێ دادگەهەک ل ڤی گوندی هەبوو کو ژبو چارەسەرکرنا ئاریشێن بنەمالا هەژی ئاماژێ یە کو تا ساڵا 1937ێ یا بەردەوام بوو. شرتێ خودانێ (13) شەهیدانە و دوو گوڕستان لێ هەنە. هەردیسان دکەڤن دا قەسرەک لێ هەبوو بناڤێ قەسرا ئاگری کو نها دبێژنێ قەسرا گری. ل ڤێ داویێ بریار ژلایێ پارێزگارێ دهوکێ (تەمەر رەمەزن) ڤە هاتە دان کو 68 خانی بو گوندێ شرتێ بهێنە ئاڤا کرن.