بنی دارە، سەری شاخە
ناوی ئاسنە، پڕ لە زاخە
مەبەستی مەتەڵەکە خەنجەرە، بنی دارە، مەبەست لە کێلانی خەنجەرە، کە لە دار درووستدەکرێ، سەری شاخە، مەبەست لە دەسکی خەنجەرە کە لە شاخی ئاژەڵ درووستدەکرێ، ناوی ئاسنە، مەبەست کە تیغی خەنجەرە کە زۆر تیژە، پڕی زاخە، لە کوردەواردا خەنجەر بەتایبەتیی جۆری (دەبان) بۆ ئەوەی تیغەکەی لە کێلاندا خراپ نەبێت زاخ یان تووتن دەکەنە ناو کێلانەکەوە، پارێزگاری لە تیغەکە دەکات و لە خراپبوون دەیپارێزێت. وەڵام (خەنجەر) . [1]