ئەو خورمایەی تۆ دەیخۆیت، ناوکەکەی لە گیرفانی من دایە
خورما خواردنێکی زۆر خۆش و شیرین و بەتامە، ئەم ڕوەکە پێویستی بە ژینگەیەکی گەرم هەیە، دورگەی عەرەبی شوێنێکی لەبارە بۆ ئەم ڕوەکە، خورما ناوکێکی درێژکۆڵەی ڕەقی هەیە و پێستێکی تەنک و شیرینی هەیە، ئیدیۆمی (ئەو خورمایەی تۆ دەیخۆیت، ناوکەکەی لە گیرفانی مندایە) ، واتە: ئەو فرت و فێڵەی تۆ دەیکەیت من لێی ئاگادارم و لەوسەری هاتوومەتەوە، من زیاتر لە تۆ لەم مەیدانەدا سواوم و تۆ ناتوانیت، من هەڵبخەڵەتێنیت و فێڵم لێ بکەیت.
ئەم ئیدیۆمە جوانە پڕ بە پێستی خۆیەتی و زۆر ورد و چالاکانە داڕێژراوە، ئەوێک کە خورما دەخوات، چۆن دەنکەکەی کەوتە گیرفانی ئەمەوە؟!
هەروەها خورما لە ناوچە و ژینگەی کوردەواریدا نییە، بەڵام دیارە ئەم ئیدیۆمە لە ئەنجامی پەیوەندی ئابووری و جموجۆڵ و هاتوچۆکردن و تێکەڵاوبوونەوە و هاوردە کردنی خورما و بەکارهێنانییەوە درووست بووە. [1]