کێشەی کەمی غاز لە سلێمانی سەرهەڵدەدات
📊 ئامار و راپرسی
کێشەی کەمی غازی ماڵان ماوەی چەند رۆژێکە لەسنوری پارێزگای سلێمانی سەریهەڵداوه و سەرۆکی لیژنە هاوبەشەکانی قایمقامیەتیش هۆکارەکەی بۆ زۆربوونی خواست لەسەر غاز دەگەڕێنێتەوە بەهۆی بەکارهێنانی بۆ خۆگەرمکردنەوە.
پارێزگای سلێمانی رۆژانە پێوستی بە 400 تەن غازی شل هەیە کە هاوڵاتیان رۆژانە وەکو پێداویستییەکی سەرەکی بەکاریدەهێنن بەتایبەتی بۆ دروستکردنی خواردن، بەڵام لەگەڵ هاتنی شەپۆلی سەرما ئێستا بەشێک لە خەڵک بۆ خۆگەمکردنەوەش بەکاریدەهێنن.
گۆران قادر، سەرۆکی لیژنە هاوبەشەکانی قایمقامی سلێمانی بەخەندان-ی وت "کێشەکە بەهۆی زۆربونی خواستەوە سەریهەڵداوە، چونکە هاوڵاتیان بۆ خۆ گەرمکردنەوە بەکاریدەهێنن، بەهۆی کەمی سوتەمەنییەوە".
پارێزگای سلێمانی رۆژانە پیۆیستی بە 400 تەن غازی شل هەیە و لە هەردوو وێستگەی غازی کۆرمۆر و کەرکوکەوە رۆژانە بەبڕی جیاواز غازی بۆ رەوانەدەکرێت.
گۆران قادر وتیشی "لەئێستادا رۆژانە 13 تەنکەر غازی شل کەدەکاتە نزیکەی 250 تەن غاز دەگاتە سلێمانی، لەکاتێکدا ئێمە رۆژانە پێویستمان بە 400 تەن غازی شل هەیە، کە لە کۆرمۆر و کەرکوکەوە دێت، لەئێستادا سلێمانی زیاتر لەبڕی بەدەستهاتوو غاز بەکاردەهێنێت بۆیە توشی کەمبونەوەی غاز بوین".
ئاماژەی بەوەشکرد، چارەسەرکردنی کێشەی کەمبونەوەی غاز بەپێدانی سوتەمەنی دەبێت بەهاوڵاتیان بۆئەوەی پەنا نەبەنە بەربەکارهێنانی غاز بۆ خۆگەرمکردنەوە، "چونکە لەپێشتریشدا هەمان بڕمان بەدەست دەگەیشت و بەشی پێداویستی هاوڵاتیانی دەکرد".
- 04-12-2016