کورد دلۍ چەرخەکا تاریخینە
بەشۍ: سەڎ و نەوەڎ و هەشتەمە
نویستەی: #هاوڕێ باخەوان#
مانگەو (9) ئی ساڵېنە، یانی ساڵەو (1880ز) چن تۊمارێ ئینێ وەردەسەنە:
* کۊتاو ئی مانگېنە، سەرخېڵە کوردەکۍ کۊنگرێوەشان بەست جە شەمدینان بە سەرداری شېخ عوبەیدوڵڵای شەمزینی، ئا کۊنگرە قۊمیێوە تاریخی گەلێ گۆرە بۍ ئەچا سەڎەنە، وایەش یەکڕیزی خېڵە کوردەکا بۍ پەی سەربەۋېیی.
* هېزەکۍ شېخ عوبەیدوڵڵای بە سەرداری شېخ عەبدولقادری و هەمزاغای، پەلامارەو هېزەکانو ئێرانیشا دا، سەرکۆتۍ ملشارە.
* تاریخو (10-09-1880ز) هېزەکانو شېخ عوبەیدوڵڵای پەلامارەو ناوچەکانو مەنگوڕیشاندا و ڕزگارشان کەرد، دمای سەرکۆتەیشان دلۍ ناوچەو مەنگوڕینە هەزار سوارۍ پېوەڼییشان کەرد پۆشاوە.
* تاریخو (15-09-1880ز) ڕزگارکەردەی ناوچەو لاهیجانی بە دەسو شۆڕشگېڕەکا شېخ عوبەیدولڵای.
* تاریخو (23-09-1880ز)ینە شېخ عوبەیدوڵلا قەرارشدا پەلامارەو (ورمێ) بڎۊن و ڕزگارش بکەرۊن، هەر ئەچی تاریخەنە دۆروبەرو شووشەوانی بە دەسو شۆڕشگېڕەکا شېخ عوبەیدوڵڵای ڕزگار کریا.
* تاریخو (27-09-1880ز) شارو ئەشتاروگی بە دەسو شۆڕشگېڕەکا شېخ عوبەیدوڵڵای ڕزگار کریا.
* تاریخو (30-09-1880ز) باڵوێزو ڕووسی زینۆڤیڤ، تەلەگرافێش پەی پترسبورگی کیاستەن و ڕاشیاونان: کە شاو ئێرانی تکا کەرۊن ئەو ڕووسیای لەشکەرێ بکیانو سەرو سنوورو ئازربایجانی و داواچش جە عوسمانییەکا کەردەن کە تەقەلێ پەی مرکنارەی ڕاپەڕینو کوردەکا بڎان و ئا زەرەرېچە کە جە ئێرانی کۆتېنۍ گردشان پەنە بوجاران.[1]