کورد دلۍ چەرخەکا تاریخینە
بەشۍ: سەڎ و سی و دوەمە
نویستەی: #هاوڕێ باخەوان#
ساڵەو (1810ز): ئەچی ساڵېنە ئی قۊمیێ و کارەساتۍ ڕوەشان دێنە:
* نویستەی پاشکۊ کتېبو شەرەفنامەی، بە دەسو موحەمەد ئیبراهیمی ئەردەڵانی.
* دەسەڵاتو میرنشینو سۆرانی کۆتەن چېرو دەسا مسەفا بەگی.
* فارسەکۍ بە لەشکرێ ویس هەزار کەسیۆ، هېرششان کەردەن سەرو میرنشینو هەکاری، مسەفا پاڎشا میرو هەکاری بە دواڼزە هەزار پیادۍ ئاشووری و دۋۍ هەزار سوارۍ کوردی وەردەمش گېرتېنۍ و دماکشېش پەنەکەردېنۍ.
* ئەچی ساڵېنە شاعېر ڕەنجور، کە نامېش موحەمەد یوسف شێخانین، ئامان دنیاوە.
ساڵەو (1811ز): ئەچی ساڵېنە هەمدیس ئۆڕەحمان پاڎشا وېش کەردەنۆ بە میرو بابانی، شازاڎەو کرماشانی دژو ئی میرەیە چەنی تورکەکا ڕېککۆتەن و تۊقەشا دان، بە ناچاریۍ ڕوەو کۆیە دماکشېش کەردېنە، دمای مانگێ و چوار ڕوا تۊقەکېشا ماڕێنەو میریچ گېڵانۆ پەی سلێمانی.[1]