ئەمڕۆ ڕۆژی دووشەممە، ڕێکەوتی #07-08-2023#، مەکتەبی ڕێکخراوە جەماوەریی و پیشەییەکانی #پارتی دیموکراتی کوردستان# و مەکتەبی ڕێکخراوە دیموکراتەکانی #یەکێتیی نیشتمانیی کوردستان# کۆبوونەوە و لەسەر بەستنی کۆنگرەی سەندیکا و ڕێکخراوە پیشەییەکان ڕێککەوتن.
لە کۆبوونەوەی ئەمڕۆی ڕێکەوتی 07-08-2023 شاندی پارتی و یەکێتی کە تایبەت بوو بە بەستنی کۆنگرەی ئەو ڕێکخراو و سەندیکایانەی ماوەی یاساییان بەسەرچووە، بڕیار دراوە هەردوولایان هاوکار بن بۆ بەستنی کۆنگرەی ئەو ڕێکخراو و سەندیکایانە.
بەشێکی زۆری ڕێکخراو و سەندیکا پیشەییەکان ماوەی یاساییان تەواو بووە، بەڵام کۆنگرەیان نەبەستووە. لە ماوەی ڕابردوو داواکاری گشتی لە گشتاندنێکدا داوایکرد دام و دەزگا حکومییەکان مامەڵە لەگەڵ ئەو ڕێکخراو و سەندیکایانە نەکەن کە شەرعییەتی یاساییان نەماوە و کۆنگرەیان نەبەستووە. [1]