#پارتى دیموکراتى کوردستان#، لە بارەى پشکى هەرێم لە بودجەى ئێراق دووبارە پێشنیازى نوێى خسۆتە بەردەم لایەنە شیعەکان. بەشێک لە پێشنیازەکانى پێشووترى حکوومەتى هەرێم و پارتى ڕەتکراوەتەوە.
حکوومەتى هەرێمى کوردستان و پارتى دیموکراتى کوردستان تاوەکوو ئێستاش #08-06-2023# لەگەڵ لایەنە شیعەکان لەسەر چەند پرسێکى تایبەت بە پشکى هەرێم لە بودجە لەوانە هەژمارى بانکى و دەسەڵاتى سەرۆکى حکومەت و بەرهەمهێنان و فرۆشتنى نەوت لەلایەن کۆمپانیاى سۆمۆ ناکۆکیان هەیە و نەگەیشتوونەتە ڕێککەوتن.
لەسەر خاڵە ناکۆکەکانى نێوان بەغدا و #هەولێر# دووبارە پارتى دیموکراتى کوردستان پێشنیازى نوێى پێشکەش کردووە، بەڵام پێناچێت حکوومەتى ئێراق و لایەنە شیعەکان تەواوى داواکارییەکانى هەرێم و پارتى دیموکراتى کوردستان لە بودجەدا وەک خۆى جێبەجێبکەن.
سەرۆکایەتى پەڕڵەمانى ئێراق ڕۆژى پێنجشەممە ڕێکەوتی 08-06-2023 ى دیاریکردووە بۆ دەنگدان لەسەر پڕۆژە یاسایى بودجە. [1]