ئایا ئاڤێستا کتېبی ئاسمانین یان زەمینی؟
جوابو ئی پەرسۍ قسۍ فرۍ هۊرگېرۊن، چېگەنە ئیشارە بە چن زانیاریێ کەرمۍ:
سەرچەمە ئیسلامیەکۍ جەختشان سەرو ئانەیە کەردەنۆ کە زەرەدەشتیەکۍ خاوەنو کتېبێ پیروزینۍ، دلۍ فیقهو ئیسلامینە زەردەشتیەکۍ ڕیزو یەهوودی و مەسیحیەکانە نامېشا ئامێنە، دلۍ ڕەفتار و سوڼەتەکا پېخامئاوەرو ئیسلامینە (د.خ) چڼین ڕانموونیۍ سەبارەت بە زەردەشتیەکا هەنۍ.
بڕێ جە ڕابەرە ئایینیەکا دلۍ مەزهەبو شیعەی سەرو بنەچەو ڕۊشنکەردەیۆ قورئانی پیروزی، زەردەشتیەکا بە خاوەن کتېب مزانان، چی بارۆ ئیمامی ششەم (جەعفەری سادق) فەرماوانش: زەردەشتیەکۍ پېخامئاوەرێشا بۍ کوشتشا، کتېبێچشا بۍ سۊچناشا.
ئیمامی عەلی فەرماوان: زەردەشتیەکۍ کتېبێشا بۍ، پېخامئاوەرێشا پەی ڕەوانە کریابۍ، من وېم ئا کتېبەمە وانانۆ.
پېخامئاوەرو ئیسلامی (د، خ) فەرمانش دان کە (جزیە-سەرانە) جە زەردەشتیەکا یەمەنی وەرگېران، دیارەن (جزیە) چانېشا وەرگېریان کە خاوەنو کتېبی ئاسمانی بېیېنۍ پېسە یەهوودی و مەسیحی.[1]