کڵاوزەڕە و ژەنۊ هۆرامانی
نویستەی: ئەسعەد ڕەشید
کڵاوەو ژەنۊ هۆرامانی، نامێ تایبەتییەش هەنە، کە کڵاوزەڕەنە، کە پی جۊرە وەشەکریۊنە:
جە شېوە یان قەبارەو کڵاوێ ئاسایېنە، پارچێ قۊرسی ڕەق و سیاو، یان کەوەی تۊخ (مۊر)، جلۋرازە (خەیاتە) بە تەقەڵۍ وردۍ بە دوە تۊ، یۊترینیرە ورازۊشا، ئېڼە تەقەڵېش وەنە مدۊ، تاکو کلاوەکۍ پېسە پارچە مقەبێوە ڕەقېش پەنەمێ، دیمو دلېش نەرمەن و دیمو بەریش ڕەقەن، دمایی چن پارچە زەڕێ چەرمە (دوە قرانی)، یان بە پەنج لیرەیۍ یان بە دوە لیرەو نیمیۍ مەپۊژیۊرە، بە جۊرێ سەرو کڵاوەکېوە منیاشارەو پۊرەش ورازاشا، تاکو گردو کڵاوەکۍ مەپۊژیۊرە، ئا وەختە پەنەش ماچان (کڵاوزەڕە).
کڵاوزەڕەی هەرەقەتینە و تەمامە مەشۊم (گېلگېلە و پڕچکە)ش بۊن، گېلگېلە بە چن ڕیزێ کریۊن کە (لاکەسوورە) یان(فسەیی) پەنەشان ماچان و ئی جۊرە گجیۍ فەقیانېشان هەنۍ، کە تاکو وەرو پەیاشا شۊڕۍ بارە، وەختێ گجی کەرانە فەقیانەکا وەرۆ لکەمڎا.[1]