گوللەبارانکردنی حەمەی شێخ حەسەن (حەمە بچکۆل)
حەمەی شێخ حەسەن کوڕێکی بزێوی شۆڕشگێڕ بوو، لە سەرەتای لاوێتییەوە ببووە پێشمەرگە و لەنێو کەرتەکەماندا بە حەمە بچکۆل ناومان دەبرد و دڵسۆز و لاوێکی قارەمان بوو. لە ساڵی 1982 ببووە پێشمەرگە و بەشداریی زۆرترین چالاکییەکانی ناوشار و دەستوەشاندن لە بنکە و مۆڵگە و سەربازگەکانی ڕژێمی بەعسی لەگەڵدا کردبووین. بەتایبەت نەوشیروان مستەفای زۆر خۆش دەویست و چەندین جار پێی دەوتم: زۆر حەز دەکەم لە نزیکی نەوشیروان مستەفاوە پیشمەرگە بم، بۆ ئەوەی هەر ڕۆژێک شەهید بم، ناوم بچێتە مێژووەوە و هیچ کات لەیاد نەکرێت.
#شەهاب کەریم#
#مێژوویەک لە لوولەی تفەنگەوە؛ ڕۆژگارە سەختەکانی شاخ 1979-1991# [1]