دەزگای تەندروستی هێزی پێشمەرگەی کوردستان نوێترین ئاماری شەهیدان و بریندارانی پێشمەرگە لەشەڕی دژی چەکدارانی داعش ئاشکرا دەکات.
لەمبارەیەوە دکتۆر (شەماڵ جەبار یاوەر) بەڕێوەبەری دەزگای تەندروستی پێشمەرگە بەNNAڕاگەیاند، لەسەرەتای بەرەنگاربونەوەی گر‌وپی تیرۆریستی داعشەوە تاوەکو ئەمڕۆ، ژمارەی ئەو پێشمەرگەو خۆبەخشانەی کە لەبەرەکانی جەنگدا شەهیدبوون گەیشتۆتە 1415 شەهید، ژمارەی بریندارانیش گەیشتۆتە (9134) کەس.
دکتۆر شەماڵ وتی:چەندین تیمی دەزگاکەیان لەبەرەکانی جەنگدان بەمەبەستی پێشکەشکردنی خزمەتگوزاری تەندروستی بەهێزەکانی پێشمەرگە، ئەوانیش دوو شەهیدو چوار برینداتریان پێشکەش بەکوردستان کردووە.
دەزگای تەندروستی پێشمەرگە خزمەتێکی بەرچاو پێشکەش بەهێزەکانی پێشمەرگەو کەس و کاریان دەکات، هاوکات زۆرترین ڕێژەی نەشتەرگەریشی تیایدا ئەنجام دەدرێت.