دوابەدوای بڵاو بوونەوەی هەواڵێک لە هەندێک لە دەزگاکانی ڕاگەیاندن سەبارەت بە ناجێگیربوونی باری تەندروستی بەڕێز مسعود بارزانی سەرۆکی هەرێمی کوردستان، بە پێویستی دەزانین بۆ ڕای گشتی ڕایبگەینین کە باری تەندروستی بەڕێز مسعود بارزانی سەرۆکی هەرێمی کوردستان زۆر باشە و هیچ کێشەیەکی تەندروستی نییە، و ئەمرۆ (02-04-2015) بەڕێزیان بەشداری کردووە لە مەراسیمی کردنەوەی (پێشانگای نێودەوڵەتیی هەولێر بۆ کتێب) بەڵام بەهۆی تووشبوون بە نەخۆشی (هەڵامەت) و گرفت لە دەربڕینی دەنگی، نەیتوانیوە لە مەراسیمەکەدا ووتار پێشکەش بکات.
هەروەها بەڕێز سەرۆکی دەزگای (المدی) بۆ ڕاگەیاندن و ڕۆشنبیری و هونەر لە ووتارەکەیدا ئاماژەی بەم بابەتە کردووە.
لە کۆتاییدا دووبارە جەخت دەکەینەوە کە سوپاس بۆ خوای گەورە و میهرەبان کە باری تەندروستی بەڕێز سەرۆک بارزانی زۆر باشە.
فواد حسێن سەرۆکی دیوانی سەرۆکایەتی هەرێمی کوردستان
02-04-2015