کوڕی شێخ عەبدوڵڵا و برازای شێخ عەبدولکەریمی #شەدەڵە#یە کە شێخی تەریقەتە.
ساڵی 1937 لەگوندی (#عەسکەر#) لەدایکبووە، شێخ عەبدوڵڵای باوکی یەکێک بووە لە لایەنگرە دڵسۆزەکانی شێخ مەحمودی نەمر.
شەهید عەلی عەسکەری لە سەردەمی لاوێتیداو ئەو کاتەی خوێندکاری ئامادەیی بوو لە #کەرکووک# پەیوەندیکردووە بە یەکێتی #قوتابیانی کوردستان#-ەوە و دواتریش بووە بە ئەندامی #پارتی دیموکراتی کوردستان#.
لە ئەنجامی چالاکییەکانیدا لەهەردوو ڕێکخراوی قوتابیان و لاواندا بوو بەئەندامی لیژنەی باڵاو دوای 14-07-1958 بوو بەئەندامی لیژنەی ناوچەی کەرکووکو لە یەکەمین کۆنگرەی ئاشکرای پارتی-دا ساڵی 1960 بەئەندامی کۆمیتەی ناوەندیی هەڵبژێردرا.=KTML_Photo_Begin=https://www.kurdipedia.org/files/relatedfiles/2008/731/0004.JPG=KTML_Photo_Alt=عەلی عەسکەری و مام جەلال=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/731/0004.JPG=KTML_Photo_End=
بۆ خۆ تەرخانکردن بۆ ئیشو کاری سیاسی خوێندنی زانکۆی واز لێهێنا. ئەو کاتەی بارزان کەوتە بەرهێرشی خێڵە نەیارەکانی دەوروپشتی، سەرکردایەتی پارتی شەهید عەلی عەسکەرییان نارد بۆ بادینان بۆ سازدانی ڕێکخراوەکانی پارتی و بەشداریکردن لە پاراستنی بارزان و بارزانییەکان.
شەهید عەلی عەسکەری ئەرکەکەی بەجۆرێک ئەنجامدا کە بووە جێگەی ڕێزی شێخ ئەحمەدی بارزان و لە بادینان مایەوەک لەگەڵ عەلی حەمدی و ئەحمەد عەبدوڵڵادا کە هەردووکیان ئەندامی کۆمیتەی ناوەندی پارتی بوون و کاروباری ئەو ناوچەیەیان بەڕێوەئەبرد تا دەستپێکردنی شۆڕشی ئەیلول.
لەگەڵ دەستپێکردنی شۆڕشی ئەیلولدا وەک لێپرسراوی #پێشمەرگە# لە بادینان مایەوە تا ساڵی 1962. ڕۆڵێکی گەورەی بینی لە ڕێکخستنی هێزەکانو بەرزکردنەوەی ورەی جەماوەری ناوچەکەو سەرکردایەتی چەندین شەڕیشی کرد. دواتر گەڕایەوە ناوچەی #سلێمانی# و بوو بە فەرماندەی هێزی خەبات.
ساڵی 1964 پەیوەندیکرد بە باڵی مەکتەبی سیاسی پارتی-یەوە.
ساڵی 1974 کە شەڕ هەڵگیرسایەوەو هێرشی سوپای عێراق بۆ سەر ناوچەکانی نزیک بارەگای بزووتنەوەکە دەستیپێکرد، پاراستنی ئەو ناوچەیە ڕووبەڕووی شەهید عەلی عەسکەری کرایەوەو ناوچەکەی پاراست.
دوای ڕاگەیاندنی ڕێککەوتننامەی جەزائیرو هەرەسهێنانی بزووتنەوەکە عەلی عەسکەری لەگەڵ هەندێ هاوڕێی نزیکیدا گەڕایەوە باشووری کوردستان و ڕێکخراوی (بزووتنەوە)یان دامەزراند، حکومەتی بەغدا دوریخستەوە بۆ باشووری عێراق.
لە سەرەتای دامەزراندنی #یەکێتیی نیشتمانیی کوردستان# پەیوەندی پێوە کراو لەگەڵ دەستپێکردنی شۆڕشی نوێدا خۆی گەیاندە هێزی پێشمەرگەو بەمەش تەوژمێکی گەورەی بەجوڵانەوەکە بەخشی.
لە یەکەمین کۆبوونەوەی یەکێتیی نیشتمانیی کوردستاندا بە ئەندامی مەکتەبی سیاسی و فەرماندەیی هێزی پێشمەرگەی کوردستان هەڵبژێردرا.
شەهید عەلی عەسکەری مرۆڤێکی ئازاو چاونەترس بوو، لە کارەساتی #هەکاری#ی-دا ڕۆژی 07-07-1978 بەدیلی شەهید کرا.[1]