لە پاش #بوومەلەرزە#کەی ڕۆژی 12ی مانگی نۆڤەمبەر لە پارێزگای #کرماشان#، کە لە ئەنجامیدا سەدان کەس گیانیان لە دەستدا و هەزارانیش برینداربوون، 15 هاوڵاتی لە شوێنە بوومەلەرزە بەرکەوتووەکان خۆیان کوشتووە.
بەگوێڕەی ئامارێکی کۆمەڵەی مافی مرۆڤی کوردستان، لە پاش بوومەلەرزەکەی کرماشانەوە بۆ ئێستا، 15 هاوڵاتیی لێقەوماوی بوومەلەرزکە بەهۆی ئەوەی تووشی نەخۆشی دەروونیییەوە خۆیان کوشتووە.
نەبوونی خزمەتگوزاریی پێویست و دەرفەتەکانی ژیان بۆ لێقەوماوانی بوومەلەرزەکە وایکردووە، کە قەیرانی نەخۆشی دەروونی ڕوو بکاتە ئەو هاوڵاتیانە و تووشی دێپرێشنیان بکات، هەر ئەوەش بووەتە هۆی زیاتربوونی ئاماری خۆکوشتن لەو ناوچانەدا.
لەلایەکی دیکەوە ژمارەی ئەو پزیشکە دەرونناسانەی ڕەوانەی شوێنە بوومەلەرزە بەرەکەوتووەکان کراون، بەراورد بەو ژمارەیەی بەهۆی شۆکی لە دەستدانی کەسوکارەکانیانەوە تووشی دێپرێشن بوون زۆر کەمە.
جێگای ئاماژەیە کە شەوی 12ی مانگی نۆڤەمبەر لە پارێزگای کرماشانی ڕۆژهەڵاتی کوردستان بوومەلەرزەیەک بە گوری 7.3 ڕێختەر ڕوویدا، لە ئەنجامیدا نزیکەی هەزار کەس گیانیان لە دەستدا و زیاتر لە 15 هەزار کەس برینداربوون.[1]
#24-12-2017#

2 نەخۆشخانەی #کرماشان# 210 میلیارد تمەن خەساریان بەرکەوتووە/ سکاڵا لەسەر بەڵێندەری نەخۆشخانە نوێکەی ئیسلام ئاوا تۆمار کراوە
بەشی کرماشان-جێگری بەڕێوەبەرایەتی و داراییی زانستگای پزیشکیی کرماشان وتی: نەخۆشخانەی #سەرپێڵ زەهاو# و نەخۆشخانە نوێکەی ئیسلام ئاوای ڕۆژاوا بەهۆی #بوومەلەرزە#کەی ئەم دواییەوە زیاتر لە 200 میلیارد تمەن خەساریان بەرکەوتووە.
بەپێی هەواڵی کوردپرێس، دوکتۆر قوباد محەمەدی لەوبارەیەوە وتی: بەداخەوە پاش بوومەلەرزەکە نەخۆشخانەی 96 قەرەوێڵەییی سەرپێڵ زەهاو لە بنەماوە خەساری بەرکەوتووە و چیتر بە کەڵکی بەکارهێنان نایێت ئەگەرچی لە ڕواڵەتدا لەسەدا 30 خەساری بەرکەوتووە.
محەمەدی ئاشکرای کرد: بەداخەوە لە بوومەلەرزەکەدا ستراکچەری نەخۆشخانە نوێکەی ئیسلام ئاوایش کە ئەمساڵ کرایەوە خەساری بەرکەوتووە و بە کەڵکی بەکارهێنان نایێت.
ناوبراو ئەوەشی خستە ڕوو زانستگای پزیشکیی کرماشان لە مەرجەعی داد سکاڵای دژ بە بەڵێندەری پڕۆژەکە تۆمار کردووە و بەدواداچوونی یاسایی بۆ دەکەین.[1]
16-11-2017

بەپێی هەواڵی گەیشتوو بەکۆمەڵەی مافی مرۆڤی کوردستان، 5زیندانی پێڕەوی ئایینزای سوننە لەڕێکەوتی 9ی خەرمانانی1396 لەزیندانی دیزەڵ ئاوای #کرماشان# مانگرتن لەخواردنیان دەست پێکردووە.
“ئەحمەد سادقی، یوسف مورادی، عەبدوڵا وەیسی، ئۆمێدخاکی ومحەممەد بازانی” ناونیشانی ئەم پێنج هاوڵاتییە کوردەی سوننەیە کەبەهۆی گواستنەوەیان بۆبەندی نەخۆشانی کێم وچڵک(عفونی) وگەڕانەوەیان بۆبەندەکانی خۆیان دەستیان داوەتە مانگرتن لەخواردن.
بەگوێرەی هەواڵەکە ئەم کەسانە بۆمەتی پڕوپاگەندەی ئایینی دەسبەسەر کراون وئەمە لەکاتێکدایە کەبەپێی کوتەی ئەوان،چالاکییەکانیان ئاشتیخوازانە ومەدەنیانە وبەدوور لەهەرچەشنە دژوازییەک بووە.
جێگەی باسە کەگوشار بۆسەر زیندانیانی سیاسی وئایینی کورد لەزیندانەکانی کۆماری ئیسلامی ئێران ڕۆژانە ڕوو لەزیاد بوونە وبەپێی هەواڵە بڵاوکراوەکانی کۆمەڵەی مافی مرۆڤی کوردستان، زیندانیانی سیاسی وئایینی بەندکراو لەزیندانی ڕەجایی شاری کەرەجیش لەدۆخێکی نالەباردان تائەو شوێنەی بەرپرسانی ئەم زیندانە هەموو شوێنەکانی بەندی ئەم زیندانیانیانەیان بەکامێرای (مداربستە)وسیستەمی بیسەر تەیار کردووە
کۆمەڵەی مافی مرۆڤی کوردستان
03-09-2017

بەڕێوەبەری سەرچاوە سروشتییەکانی پارێزگای #کرماشان# ڕایگەیاند: 50 حاڵەتی ئاگرکەوتنەوە لە دارستانەکان و لەوەڕگەکانی ئەو پاڕێزگایە ڕوویداوە، کە بوو بە هۆی سووتانی 500 هێکتار ژینگەی ئەو ناوچەیە.
موراد شێخ وەیسی ڕایگەیاند: 528 هەزار هێکتار لە ڕووبەری پارێزگای کرماشان لێرەوارەکانی پێکی دێنن و 50% لەوەڕگەش لە خۆ دەگرێت.
ناوبراو هەروەها دەڵێت: لەو ڕێژە ئاگرکەوتنەوە نزیکەی 500 هێکتار لە دارستانەکانی پارێزگای کرماشان تووشی ئاگرکەوتنەوە بوون و خەساریان بەرکەوتووە.
بەرپرسی سەرچاوە سروشتییەکانی پارێزگای کرماشان بە ئاماژە کردن بە کەمی ئیمکانات و هەڵەمووت بوونی ئەو ناوچەیە و مینە بە جێماوەکانی شەڕی 8 ساڵە، ڕایگەیاند: ئیمکاناتی پارێزگای کرماشان بۆ کونترۆڵ و کوژاندنەوەی ئاگرکەوتنەوە لە دارستان و لەوەڕگەی ئەو پارێزگایە وەڵامدەر نییە.
کەمتەرخەمیی بەرپرسانی ئیدارەی ژینگەپارێزی و سەرچاوە سروشتییەکان و هەروەها نەبوونی چالاکیی پێویست لەمەڕ گرینگی پاراستنی ژینگە و وشیار کردنەوەی هاووڵاتییان، بە هۆکاری سەرەکیی ئاگر گرتنی دارستان و لەوەڕگەکانی کوردستان بە ئەژمار دێت.
هەر چەند بەرپرسایەتیی پاراستنی دارستان و لەوەڕگەکان لە ئەستۆی ناوەندە حکوومەتییەکان، وەک: ئیدارەی ژینگەپارێزی، جەنگەڵبانی و ئیدارەی ئاگرکۆژێنەوەیە، بەڵام لە زۆربەی حاڵەتەکاندا هاووڵاتییانی کوردی چالاکی بواری ژینگەپارێزی و خەڵکی گوندەکان بە شێوەی خۆڕسک هەوڵی کۆژاندنەوەی ئاگرەکە دەدەن.[1]
24-08-2017

دەروازە بازرگانییەکانی پارێزگای #کرماشان# لەگەڵ هەرێمی کوردستان کاتەکانی کارکردنیان لە 17 کاژێرەوە بۆ 20 کاژێر زیاد کردووە و 50٪ی کاڵای نانەوتیی ئێران لە کرماشانەوە هەناردەی هەرێمی کوردستان دەکرێت.
=KTML_Quote_Begin==KTML_Style=width:25%;float:right;=KTML_Quote_Icon=📊=KTML_Quote_Content=ا (2019) پێنج ملیۆن و 670 هەزار تۆن کاڵا و شتومەک بە بەهای دوو ملیار و 200 ملیۆن دۆلار لە پارێزگای کرماشانەوە هەناردەی هەرێمی کوردستان و عێراق کراوە.=KTML_Quote_End=بێهزاد باباخانی، بەرپرسێکی پارێزگای کرماشانە و لەو بارەیەوە ڕایگەیاند، بەهۆی بەرزبوونەوەی قەبارەی هەناردەکاری کاڵا و شتومەک لەو پارێزگایەوە و زیادبوونی ئەو بارهەڵگرانەی کە کاڵا بۆ هەرێمی کوردستان و عێراق دەگوازنەوە، کاتنی کارکردنیان لە دەروازە بازرگانییەکان زیاد کردووە.
باباخانی ئاماژەی بەوە کرد، لە شەش دەروازەی فەرمی و نافەرمیی ئەو پارێزگایە لەگەڵ هەرێمی کوردستان، ئێستا دەروازەکانی #پەروێزخان# و شێخ سەڵە و #شۆشمێ# بە ڕووی کاری بازرگانیدا کراوەن.
لەلایەکی دیکەوە خەلیل حەیدەری، بەڕێوەبەری پارێزگای کرماشان ڕایگەیاند، لە ساڵی ڕابردووی هەتاویدا (2019) پێنج ملیۆن و 670 هەزار تۆن کاڵا و شتومەک بە بەهای دوو ملیار و 200 ملیۆن دۆلار لە پارێزگای کرماشانەوە هەناردەی هەرێمی کوردستان و عێراق کراوە.
خەلیل حەیدەری باسی لەوە کرد، نیوەی کاڵا نانەوتییەکان کە لە ئێرانەوە هەناردەی عێراق دەکرێن، لە ڕێگەی پارێزگای کرماشانەوە دەبێت.
هەروەها حەیدەری ئەوەی خستەڕوو، بە تەنیا لە مانگی نەورۆزی ئەمساڵدا (2020) زیاتر لە 284 تۆن کاڵا بە بەهای 113 ملیۆن دۆلار لە دەروازە بازرگانییەکانی کرماشانەوە هەناردەی عێراق و هەرێمی کوردستان کراون.
بە گوتەی حەیدەری، ئەو کاڵایانە کە لە کرماشانەوە هەناردەی هەرێمی کوردستان و عێراق کراون بریتین لە دۆشاوی تەماتە، شووتی، کاڵەک، سێو، شیر، قەیماخ، بیسکیت، خەیار و باینجان.[1]
#18-05-2020#

بەڕێوەبەری میراتی فەرهەنگی، پیشە دەستییەکان و گەشتیاریی پارێزگای #کرماشان# ڕایگەیاند: بە هۆی هاتنی لافاو، ئاسەوارە مێژووییەکانی ئەو شارە خەسارەتی 20 میلیارد تەمەنی پێکەیشتووە.
ئومید قادری هەروەها ڕایگەیاند: خەسارە وێکەوتووەکان زیاتر به ئاسەوار و بینا مێژووییەکانی ئەو پارێزگایە گەیشتووە.
ناوبراو هەروەها ئاماژەی بەو ئاسەوارانەی کە خەسارەیان بەرکەوتووە کرد کە بریتن لە: پردی کوچە، پردی چهر، تاقی گری، عەمارەتی خەسرەو، خانەی مێژووی ساری ئەسلان.
هەر لەو پەیوەندییەدا، بەڕێوەبەری میراتی فەرهەنگی، پیشە دەستییەکان و گەشتیاریی پارێزگای #ئیلام#، باسی لە خەسارەتی 8 میلیارد تمەنی ئاسەوارە مێژووییەکانی ئەو پارێزگایە کرد
عەبدوڵمەلک شەنبەزادە، ڕایگەیاند: ئاسەوارە مێژووییەکانی پارێزەگای ئیلام کە خەساریان بەرکەوتووە بریتین لە :پردی کچ و کوڕ و قەڵای سام لە شاری چڕداوڵ. قەڵای پوور ئەشەرەف لە شاری دەڕەشار، ئاتەشگای سیاگل لە شاری ئەیوان و قەڵای کەنجان جەم لە شاری مێهران.[1]
#07-04-2019#

شوێن: #کرماشان#
ساڵی گیرانی وێنەکە: 1911
وێنەکە: ئافرەتانی کورد لە کرماشان
ناوی وێنەگر: نەناسراو. [1]

ئافرەتێکی #کرماشان# ی لە سەردەمی قاجاریدا [1]

شوێن: #کرماشان#
ساڵی گیرانی وێنەکە: 1880
وێنەکە: ئافرەتێکی کورد و منداڵەکەی
ناوی وێنەگر: دیمیتری یارماکۆڤ. [1]

ئاماری گیان لە دەستداواون و بریندارانی #بوومەلەرزە#ی شەوی ڕابردوو لە پارێزگای #کرماشان# بۆ نزیکەی دوو هەزار کەس بەرزبووەوە و سێ ڕۆژیش ماتەمینی گشتی لەو پارێزگایە ڕاگەیەندرا.
چەند خولەکێک پێش ئێستا پزیشکی دادی کرماشان ڕایگەیاند، کە هەتاکو ئێستا 207 کەس لە ئەنجامی بوومەلەرزەکەدا گیانیان لە دەستداوە و 1700 کەسی دیکەش برینداربوون.
ڕاگەیەندراوە، کە تا ئێستا لە سەر پێڵ زەهاو 142 تەرم، لە ئیسلام ئابادی غەرب 22 تەرم، سەلاس و باوەجانی 15 تەرم، کەرەندی غەرب 14 تەرم و #قەسری شیرین# 14 تەرم دۆزراونەتەوە کە کۆی هەموویان دەکاتە 207 تەرم.
پارێزگاری کرماشان وتی، بەهۆی ئەوەی بوومەلەزرەکە قوربانی زۆری لێکەتووەتەوە بۆ ماوەی سێ ڕۆژ ماتەمینی گشتی لەو پۆارێزگایە ڕادەگەیەندرێت.[1]
13-11-2017