$باکووری کوردستان$=KTML_Photo_Begin=https://www.kurdipedia.org/files/relatedfiles/2018/151187/0007.JPG=KTML_Photo_Alt=پۆلیسی تورکیا دەستیگرت بەسەر ئاژانسی ژن نیوز دا=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/151187/0007.JPG=KTML_Photo_End=
- شەوی ڕابردوو کاتژمێر 12:00 هێزەکانی پۆلیسی تورکیا هێرشیان کردە سەر ناوەندی #ژن نیوز# لە #ئامەد#، بەڵام کەس لە ناوەندەکە نەبوو و گەڕانەوە، پاشان کاتژمێر 04:00ی بەرەبەیانی جارێکی دیکە هێرشیان کرد. پۆلیس دەرگای ناوەندەکەی شکاندووە، چونەتە ناو ناوەندەکەوە و دەستیان بەسەر هەمووی شتومەکەکانی ناوەندەکەدا گرتووە.[3]
$رۆژهەڵاتی کوردستان$
- هێزە حکوومەتییەکان، لە ڕێگای نێوان گوندەکانی گۆجگەلی و موشیرئاوای شاری #بۆکان#، تەقەیان لە ماشینێکی پراید کردووە و یەکێک لە مسافیرانی ئەو ماشینە بە ناوی هەژار ڕەزایی کوڕی ئیسماعیل، خەڵکی گوندی قەڵای هەلاکۆ گیانی لە دەست دا.[5]
- یەکێک لە یارمەتیدەرەکانی لێقەوماوانی بوومەلەرزەی پارێزگای #کرماشان#، بە ناوی سام عەباسی گوورەجوویی، لە لایەن هێزە ئیتلاعاتییەکانەوە دەسبەسەر کرا و بۆ گرتووخانەی ئیدارەی ئیتلاعاتی شاری کرماشان ڕاگوێزرا.[5]
$باشووری کوردستان$
- لەژێر ناوی سەپاندنی یاسا لە #کەرکووک#، چەندین خێزانی کوردی نیشتەجێی گوندەکانی دەوروبەری کەرکووک، هەڕەشەی دەرکردنیان لەسەرە، لە نوێترین پێشهاتیشدا پۆلیسی کەرکووک، هەڕەشەی دەرکردنی 600 خێزانی کوردی گوندەکانی چۆپلیجە و هەنجیرە و باجوان دەکات.[1]
- هەریەکە لە گۆڕان، کۆمەڵ، یەکگرتوو و هاوپەیمانی هۆڵی شادییان جێهێشت و ژماردنەوەی دەستیی دەنگەکانیان بایکۆتکرد.[2]
- وەزیری تەندروستی حکومەتی هەرێم ڕایدەگەیەنێت، نەخۆشی تای خوێنبەربوون لە هەرێم کۆتاییهاتووە.[2]
- بەرپرسی دەزگای هەڵبژاردنی پارتی ڕایدەگەیەنێت، بەئەژمارکردنەوەی دەستیی دەنگەکانی #هەولێر#، هیچ گۆڕانکارییەک ڕوونادات و دەڵێت ئه و سندوقانەی تانەیان لێدراوە هی ئاوارەکانی #موسڵ#ن، نەک بنکەکانی دەنگدانی هەولێر.[2]
- لەسەر کێشەیەکی کۆمەڵایەتی لە شارۆچکەی #شەقڵاوە#ی سەر بە پارێزگای هەولێر، 33 کەسی دوو بنەماڵەی دەستگیرکران، وتەبێژی پۆلیسی هەولێریش ڕایدەگەیەنێت ڕێکاری یاسایی بەرامبەر هەر 33 کەسەکە دەگیرێتەبەر.[2]
- ئێوارەی ئەمڕۆ، گەنجێک بەناوی #هەڤرەست شوان#، کە ئەندامی هەرێمی هەولێری #تەڤگەری ئازادی#یە و هاوکات خوێندکاری قۆناغی سێیە لە کۆلێژی لوبنانی – فەرەنسی لە بەشی یاسا لە شاری هەولێر، لەلایەن ئاسایشی شارکەوە دەستگگیرا.[4]
- پۆلیسی #سلێمانی# ڕایدەگەیێنێت، لە شارۆچکەی #عەربەت# بەهۆی شەڕ و دەمەقاڵێی نێوان دوو بنەماڵە گەنجێکی تەمەن 19 ساڵ بە گوللە کوژرا.[1]
- بەهۆکارێکی نادیار ماوەی زیاد لە پێنج کاتژمێرە ئاگرێکی بەهێز، سنوری چەند گوندێکی شارەدێی بیارەی سەربەپارێزگای #هەڵەبجە#ی گرتووتەوە و بەهۆیەوە زیاتر لە 300 دۆنم لە دارستان و باخی سروشتی ناوچەکە سوتاون.[4]
$رۆژئاوای کوردستان$
- سەرچاوەیەک لە گوندی بەێ-ی سەربە شارۆچکەی شێراوی #عەفرین# ڕایگەیاند، کە گروپێکی چەتە بەناوی فەیلەقی شام، بەبێ هیچ هۆکارێک هەڵیانکوتاوەتە سەرماڵانی گوندەکە و نۆ هاوڵاتییان ڕفاندووە.[4]