دواڕۆژ، عیسا عەبدولقەهار
بەرپرسێکی پارێزگای #هەولێر# ڕایدەگەیەنێت، هەزار و 740 کەس تەنیا لە سنووری پارێزگای هەولێر مۆڵەتی هەڵگرتنی چەکیان پێدراوە، بەڵام ڕەتیدەکاتەوە ئەوانەی مۆڵەتیان هەبێت هیچ کەسێکیان کوشتبێت.
دوای جێبەجێکردنی سیستمی ئەلیکترۆنی بۆ پێدانی مۆڵەتی چەک بە هاووڵاتیان لە 14ی ئەیلولی 2014وە تا کۆتایی ساڵی 2017، لەلایەن وەزارەتی ناوخۆی هەرێم، تەنیا لە سنووری پارێزگای هەولێر هەزار و 611 کەس مۆڵەتی هەڵگرتنی چەکیان پێدراوە، تەنیا لەمساڵیشدا 129 کەس مۆڵەتی هەڵگرتنی چەکیان پێدراوە.
لەبارەی ئه و کەسانەی مۆڵەتی هەڵگرتنی چەکیان پێدراوە، خالید کورەچی، بەڕێوەبەری کاروباری ناوخۆ لە پارێزگای هەولێر بە دواڕۆژی وت بەپێی یاسا مۆڵەتی هەڵگرتنی چەک به و کەسانە دەدرێت کە کاری گواستنەوەی پارە دەکەن، هەروەها ئەوانەی بەتەمەنن و کەسانی ناسراون. مۆڵەتەکەش تەنیا بۆ بەرگرییە لە خۆیان نەک کوشتنی هاووڵاتیان، هەروەها بەپێی یاسا ئەوانەی تەمەنیان گەیشتوەتە 18 ساڵ دەتوانن مۆڵەتیان پێبدرێت، بەڵام ئێمە مۆڵەت بەهەموو کەسێک نادەین، تەنانەت ئەوانەی تەمەنیان لە سەرووی 28 ساڵی نەبێت مۆڵەتمان پێنەداون.
وتیشی لیژنەیەک وردبینی دەکات بۆ ئه و کەسانە کە مۆڵەتیان پێدەدرێت. هەرسێ پارێزگا بەیەک سیستم کە سیستمێکی ئەلیکترۆنییە بەیەک شێوە مۆڵەت دەدرێت.
ئەوەشی وت لە 14ی ئەیلولی 2014وە وەزارەتی ناوخۆی هەرێم، سیستمێکی نوێی پێدانی مۆڵەتی چەکهەڵگرتن بەشێوەی ئەلیکرتۆنی بۆ پارێزگاکان دانا کە یەک ڕەنگ و یەک جۆر مۆڵەتە.
لەبارەی ڕووداوەکانی کوشتنی چەند ڕۆژی ڕابردووی هەولێر، ئه و بەرپرسەی پارێزگای هەولێر ئەوەشی خستەڕوو ئێمە لێکۆڵینەوەمان لەهەموو ئه و کوشتانەی چەند ڕۆژی ڕابردوو لە هەولێر کردووە، بۆمان دەرکەوتووە کە کوشتنی هیچ یەکێک له و هاووڵاتیانەی هەولێر بە دەستی ئه و کەسانە نەبووە کە مۆڵەتی هەڵگرتنی چەکیان هەیە.
ئه و بەرپرسەی پارێزگای هەولێر ئاشکرایدەکات، مۆڵەتی هەڵگرتنی چەک به و کەسانەش نادرێت کە گومانیان لێیان هەبووە کە بۆ کاری کوشتن بەکاریبهێنن لە داهاتودا.
بەپێی یاسای هەڵگرتنی چەک لە هەرێم، لەکاتی مردن و تازەنەکردنەوەی مۆڵەتدا یاخود لەکاتێک هاووڵاتییەکە خۆی پێویستی پێنەبێت، مۆڵەتی هەڵگرتنی چەک هەڵدەوەشێنرێتەوە.[1]
#24-06-2018#

بەپێی تۆماری بەڕێوەبەرایەتی گشتی تەندروستی کەرکووک، لە ماوەی‌ 10 مانگی‌ ڕابردوودا، 740 کەس گیانیان لەدەستداوە و 2066 کەسیش بریندار بوون، کە زۆرینەیان دانیشتوی‌ کەرکووکن‌و ئەوانی تریش خەڵکی پارێزگاکانی دیکەن.
دکتۆر سەباح ئەمین، بەڕێوەبەری گشتی تەندروستی کەرکووک، لە لێدوانێکی دا بەنەوای ڕاگەیاند: بەهۆی ڕووداوە جۆراوجۆرەکانەوە، چ تەقینەوەی‌ ئۆتۆمبیل، یان بۆمبی تەوقیتکراو، یان هەر حاڵەتێکی تری کوشتن بێت، 740 شەهید لە بەڕێوەبەرایەتیەکەیان تۆمارکراوە.
ناوبراو ئاماژەی‌ بەوەشدا: لەو ژمارەیە 501 کەسیان کەرکووکین‌و 228 کەسیشیان دانیشتوی‌ پارێزگای سەڵاحەدینن، ئەوانی تریش دانیشتوی‌ پارێزگاکانی دیالە و موسڵ و ئەنبارن‌و، ڕەوانەی‌ نەخۆشخانەکانی کەرکووک کراون.
بەڕێوەبەری گشتی تەندروستی کەرکووک، ئاشکراشیکرد: لەماوەی‌ 10 مانگی ڕابردوو، 2066 بریندار تۆمارکراوە، کە لە کارە تیرۆریستیەکاندا بریندار بوون.

حەسەن جومعە
بەپێی ئامارێکی بەڕێوەبەرایەتی فەرمانگەی تەندروستی کەرکووک، لە سەرەتای ئەم ساڵەوە تا مانگی 10 بەهۆی ئەنجامدانی تەقینەوە و کردەوە تیرۆریستییە جۆر بە جۆرەکانەوە لە شاری کەرکووک 740 کەس کوژراون و 2067 کەسی تریش بریندار بوون و لەناو بریندارەکانشیدا چەندین کەس کەمئەندام بوون.
د. سەباح ئەمین، بەڕێوەبەری فەرمانگەی تەندروستی کەرکووک بە خەندانی ڕاگەیاند: "بەپێی ئاماری بەڕێوەبەرایەتییەکەیان، لە سەرەتای ئەمساڵەوە تا مانگی 10 بەهۆی ئەنجامدانی تەقینەوە و کردەوە تیرۆریستییە جۆر بە جۆرەکانەوە لە شاری کەرکووک 740 کەس کوژراون و 2067 کەسی تریش بریندار بوون".
وتیشی: "ئه و 740 کەسەی کە کوژراون بەهۆی تەقینەوە و کردەوە تیرۆریستییەکانەوە، تەنها 501 کەسیان دانیشتووی شاری کەرکووکن، سەرجەم ئەوانی تر خەڵکی دەرەوەی شاری کەرکووکن".
راشیگەیاند: "لە ناو بریندارەکانیشدا چەندین کەس کەمئەندام بوون، بەڵام بە ژمارە تۆمار نەکراون".
ئەوەشی خستەڕوو کە، بەڕێوەبەرایەتی فەرمانگەی تەندروستی کەرکووک توانیویەتی بەشێوەیەکی زۆر باش چارەسەری بەشێکی زۆر لە بریندارەکان بکات، بەڵام هەندێک جاریش بە هۆی نەبوونی پێداویستی تایبەتەوە بریندارەکان ڕەوانەی نەخۆشخانەکانی هەولێر و سلێمانی کراون.
- 31-12-2014